Christian pawl cu Christian pawl lungrual nak hrangih thlacam nak zarh 54 nak ih tel dingah sawm January 15, 2021

Christian pawl cu Christian pawl lungrual nak hrangih thlacam nak zarh 54 nak ih tel dingah sawm

January 15, 2021

2021 kum ih Christian pawl lungrual nak hrangih tuahmi thlacam nak cu January 18-25 tiang tuah a si ding. Hi tikcu caan sungah, Pawlpi sung remawk salnak le lungrual nak hrangah Christian pawl kan zaten sawm mi kan si. Christian pawl lungrual nak hrangih tuah mi thlacam zarh cu kum tin ten January 18-25 ih an tuah theu. Asinain, thlanglam ramhrek khat ah January thla hi an cawlh caan a si ih Pawlpi pawl in kumih a remcang caan ih tuah dingah caan remcang an hawl. Tahthim nak ah Pawlpi ih lungrual nak hrang tiin hminsin nak a si mi Pentecost caan hrawng hi an hmui tin theu.

            A hlan kum 100 hrawng ah, niriat sung thlacam nak cu Christian pawl lungrual nak le Bawi Jesuh netabik zanriah einak ih a thlacam mi famkim le a kaihawk theinak dingah an zaten pumkhat an si thei nak dingah leitlun huap ih Christian pawl tel thei dingah an tuah. 2021 hrangih thulu cu "ka duhdawt nak thlun uh la, rah tampi nan rah ding" tiih John 15:5-9 sung ta a si. Christian pawlkom pawl ih pumcawm nak lang ter nak dingih thlacam dingah le remawk sal nak hrang thlacam dingah le Pawlpi sung, kan innsang le sersiam mi zate karlak ih lungrual nak langter ih ruahsan ih hril mi a si.

            Ram tinkim thawn pehpar mi Christian pawl lungrual nak hrangih "thlacam nak zarh 2021 hrangih a thu hrampi pawl cu Switzerland ram, Grandchamp ih Monastic Community, Biaknak lam thlun mi a bang aw lomi Biak nak lam Sister pawlkom pawl hmun khat ih a kom tu mipi ih thlacam dingih thukam laknak le Christian pawl lungrual nak an rak tim lam. 2021 kum thlacam nak thla hrang ih a dang thuthang le timtuah cia nak cu Christian pawl lungrual nak tha a pe tu Biaknak lam Pontifical Council ih website in zoh a theih.

            Christian pawl kan zaten thlacam tlang dingah sawm kan si. The World Council of Churches (WCC) in Christian pawl lungrual nak hrang thlacam nak zarh, zarh netabik nak, January 25 niah online thlacam nak ih tel dingah Christian pawl kan zaten in sawm. Ca pakhat sungah, WCC ih secretary General Rev. Loan Sauca in a rak sim mi cu covid pulhnat ruangih tuah mi rikhiah pawl ruangah mi tampi hmunkhat ih ton awk nak a theih lo. Hi online ih tuah mi in khui tawk ih kan um khal le thla kan cam tlang thei. Online thlacam nak cu CET ah nazi pahnih ah tuah a si ding. Himi program a peih tu pawl in the World Council of Churches ih website in zoh a theih. Himi thu cu Vatican thuthang ihsin kan ngah mi a si.

https://www.youtube.com/watch?v=-IYW_pFKVJo