President Joe Biden ih thukam nak a laknak ah Fr.Leo J.O'Donovan ih on nakah thlacam sak. January 20, 2021

President Joe Biden ih thukam nak a laknak ah Fr.Leo J.O'Donovan ih on nakah thlacam sak.

January 20, 2021

            President Joe Biden ih Pathian thu cohlang nak thukam lak nak canserh cu Georgetown phunsangtlawng ih president hlun asimi Catholic Puithiam Fr.Leo J.O'Donovan ih thlacam nak in an thok. Zangfah nak thawn a khat tu Aw Bawipa, a sunglawi zet mi caan ah Bawipa na hmaiah khuk bil in kan ra thleng. Kanmah pawl cu "a famkim mi khawmawk nak" timi "thluasuah phunphun khaisang dingah le kanmah pawl le kan tefa pawl hrangah a him mi luat nak thluasuah pawl" thawn ram mipi zate ih kom khawmawk nak cu ruah san in kan ra khawm aw a si.

            Kanmah pawl cu miphun dangdang, zum nak le taksa zawng a phunphun, ramkhel lam dinhmun, nunphung le um tlan daan phunphun thawn kom mi ram pi a si. Aliam zo mi kum 232 ah George Washington ih thukam nak caanserh hrangah Archbishop John Carol in "minung hmuahhmuah a sersiam tu Bawipa cu thiangthlarau Pathian ih ruah nak pek nak le thazang thawn himi America ram president bawm in a mai tumtah nakah ram mipi pawl hrang tlaitluang ten rian tuan thei hram aw" tiin thla a cam.

            Tuini kan zaten bangran nak, zaten tel thei nak le zalen nak thawn pehpar mi ruah san nak thawn um ding timi thukam nak parah kan tuanvo pelh nak pawl khal kan pom thei. Asinan kanmah pawl cu cafang thawn khal siseh, tuah taktak nak thawn khal siseh, khat le khat ngaihsak aw dingah, ahleicein harsat nak a tuar tu pawl bom nak thawn leilungpi hrangah tleu nak si dingah timi ruah san nak cu a thar in kan tuah sal. Kanmah pakhat ciar ah mi dang hrangah ahleicein bom a tul tu pawl ngaihsak in dinpi ngam nak thazang kan nei. Cumicu duhdawt nak tiin koin, a lamzin cu pumpekawk dingah a si. Tuiniah cumicu American miphun duhdawt nak thinlung ah thil ti thei nak le a hleice ih thil ti thei nak a suak sal ti siloin "zohman ral loin mi tampi hrangah duhdawt nak thawn lawng" mi tampi hrang that nak si dingah tuah sal nak a si. Solomon Siangpahrang cu "theih thiam thei nak thinlung in pe aw. Cutilawngah a hman le a hman lo ka hmu thei dingih Bawipa na minung pawl khal ka uk thei ding" tiin Bawipa hnen ih a dil mi fim nak cu kan president thar kal pe dingah" a tu kan lo dil a si.

            "Mi pakhatkhat fim nak a neih lo asile, hmuhsuam loin mi tinkim zangfah nak a pe tu Pathian hnen dil asile Pathian in cui fim nak cu a lo pe ding" timi James ih nunsim nak cu kan zum. Pope Francis in "kanmah rori in hmunkhat ten sunmang nei dingah a thupi. Kanmah pawl cu mangbang nak pawl, a um lomi thil pawl hman kan hmu thei" tiin a ngan. Kan sunmang pawl dinsal dingah, kan ram mipi pawl hrang remsal aw dingah, duhdawt nak thawn remdaih nak, thuhman le lungawi nak pawl thawn tumtah nak pawl cu hmunkhat ten din dingah kanmah pawl thawn um hram aw. Kumkhua na hmin sunglawi sin seh. Amen.

Fr.Leo J.O'Donovan

            Fr.Leo J.O'Donovan cu Biden innsang ih rualpi tiin mi theih tam mi Catholic Puithiam pakhat a si. Joe Biden le a nupi  Neilia Hunter Biden pawlih fapa upabik Beau kum 45 cu 2015 kum ah cancer nat nak thawn a rak thi. An phum nak canserh ah Missa raithaiw nak cu Fr.Leo J.O'Donovan in hoha in rai thawi nak a rak tuah sak. Joe Biden ih nupi asimi Neilia Hunter Biden cu 1972 kum ah suak pek te naute Naomi Biden thawn mawtaw cangsual nak in an nun nak an rak cem a si. Himi thu cu CNA thuthang ihsin kan don mi a si.

Credit: Patrick Semansky / Pool / AFP via Getty Images.

https://bit.ly/35YDLDx