Croatia ram ih linghnin a tuar tu pawl hrang Pope Francis in a hlu paisa kuat January 27, 2021

Croatia ram ih linghnin a tuar tu pawl hrang Pope Francis in a hlu paisa kuat

January 27, 2021

            Pope Francis cu linghnin nak ruangih harsat tuar pawl hrangah dolar 121,000 luan cu Croatia ram ih Catholic karuna pawlkom hnen ah a hlu. Kan dung thla ah 6.4 tha a nei mi linghnin nak ruangah Banija hmun ih innsang pawl bom dingah cui hmun ih a um tu Bishop pawl pawlkom ih then pakhat asimi karuna pawlkom hnen a hlu paisa pawl a pe.

            December 29 niah linghnin nasazet a cang nak ruangah amal bik mi 9 an thiih, mi tampi hriamhma an ngah ih inn pawl le biakinn pawl khal a siat. Cumi pawl lakah Zazina myo ih um biakinn ih awnmawi tum tu saya khal biakinn ih lungto a siat mi lakah a thi cia in hmuh a si. Mi tampi cu an inn pawl an siat hnu um nak nei loin an tang. 2020, March thlaah an khua pi Zagreb ah 5.3 tha a nei mi ling a hnin ih minung 27 hriamhma an ngah ih kum hra luan fang nunau pakhat a thi. Pope Francis ih a hlu paisa pawl cu nunphung khaisan nak zung pi ihsin a hlu mi a si.

            "A nuam ih a him mi inn ngah thei dingah taksa lam bom nak pawl thawn thlacam sak nak hrangah Pope Francis hnen Croatia karuna pawlkom in an lung a awi tuk thu" pawlkom ih hotu Bishop Boze Rados in January 26 ni ah a sim. Karuna pawlkom ih director Msgr. Fabijan Svalina khal in "zangfah nak hnatuan pawl, ram mipi pawl thawn company pawl ih a mawi mi duhdawt nak cu nitin ten kan lang ter. Pope Francis in a tuvekin tikcu kel zet in tha zet in tuah dingah thu a pot cat ruangah kan di a riam tuk" tiin a sim.

            December thla ih linghnin nak ruangah harsat tuar pawl cu bom thei dingah Croatia Catholic Bishop pawl pawlkom in dolar tan 1 luan an hlut ih hleiah Croatia karuna pawlkom le Malta pawlkom pawl kom aw in inn le lo pawl siat ral nak a tuar tu pawl hrangah reilote sung um nak pawl an sak sak. Kan dung kar ah Bishop pawl cu "corona virus nat le a nasa zet mi linghnin tuar pawl" zangfah dingah sual hram nei lo bawinu hnen an ap. Zagreb ih tuah mi thurelkhawm nak theh, January 19 ni ih suahmi thusuah ah Bishop pawl cu mai ram sung virus le kiangkap harsat nak ruangah a thi tu pawl hrangah thla a cam sak thu an ngan.

            "Kanmah pawl ih kan ram le kan mipi zaten, ahleicein linghnin a tuar tu Zagreb Archdiocese le Sisak Diocese, coronavirus nat le tha a cak zet mi linghnin nak a tuar tu pawl zaten kanmah pawl hrang thla in cam sak tu Mithianghlim Miria hnen ah kan lo ap" tiin Pope in a sim. Croatia mipum ih zatek 86 um nak ih minung tan 4 cu Catholic zum tu an si. Himi thuthang cu CNA thuthang ihsin kan ngah mi a si.

https://bit.ly/39sJO5m