Farah harsa pawl ei ding le um nak inn pawl tawlrel sak tu ding a cozah ih tumtah mi hrangah American Catholic Bishop pawl in cohlang January 28, 2021

Farah harsa pawl ei ding le um nak inn pawl tawlrel sak tu ding a cozah ih tumtah mi hrangah American Catholic Bishop pawl in cohlang

January 28, 2021

          Tu baite ah American a cozah ih farah harsa pawl ei ding le inn tawlrel sak nakah humhimnak pek in a khaisan ding thu, thuthan cu America Catholic Bishop pawl in an rak cohlang. Covid suanawk nat nak ruangah rawlei ding le inn nei lo mipum 15 zatek a than thu, hivek ih bawm nakah thla hlawh a mal mi innsang pawl le harhdam nak thawn a kaih mi ei in pawl a sawm dawl aw thei lomi innsang pawl khal an tel thu, hi bawm nak cu 2021, March 31 ni tiang khaisan a si ding thu a tel.

          Covid ruangih harsat nak a tong rero tu mipi pawl ih a thupi zet ih tulsam mi cu tu vek ih bawm nak ruangah a lungawi thu, mal ter deuh mi ngunkhuai pawl malter deuh nak zalen nak pek nak cu Amreican innsang kilhim nak a si thu, America innsang tamsawn cun inn man pawl an pek thei lo. Curuangah an inn pawl tan san ding dinhmun a tong rero mi innsungsang tampi an um thu, inn nei lo tu pawl an tam vivo le hi ppulhnat ruangah pawlkom hrangah harsat nak a um deuh deuh thu Archbishop Coakley in a rak sim.

          Tuvekin covid pulhnat ruangah hnatuan nei lo tu pawl, thlahlawh mal mi pawl, ei in a harsa mi innsungsang pawl bawm nak cu a tul taktak mi pawl bawm nak a si thu Archbishop in a rak sim bet. Netabik nak ah Archbishop in tui dinhmuna  thupit caan ah sumpai thawn pehpar in a harmi pawl, humhim tu a nei lo mi pawl thupit ih tuah dingah, mitin ih harhdam nak thawn a kaih mi a famkim eiin pawl le inn le lo ngah thei nak pawl cu Nu Pawlp ih nunphung lam thawn pehpar mi thuzirh nak pawl a si thu khal a rak sim. Himi thuthang cu Vatican thuthang ihsin kan ngah mi a si.  

https://bit.ly/36y0cje