Pope Francis in Mithianghlim si nak pe dingah zohfelnak nei dingah mi minung pariat (8) co hlang.

Pope Francis in Mithianghlim si nak pe dingah zohfelnak nei dingah mi minung pariat (8) co hlang.

          Pope Francis in kan dung zarhte ni ah Mithianghlim si nak pek dingih a tulsam mi zoh dingin mi pariat a rak cohlang. Hi mi thuthannak cu Pope zungih tuanvo nei tu Cardinal Marcello Sermeraro thawn an tonawknak ah Catholic zumtu, mi menmen sungin nunau cu pakhat le English miphun sungin Siangbawi pakhat khal an tel ve. Cumi Mithianghlim peknakih a tel tu ding pawl cu a tang lam vek in an si.

1, Armida Barelli, Italy

Mithianghlim sinak peknak ih hrilnak a ngah tu pariat sungah Italy miphun in Catholic mi menmen nunau pakhat a si ih a hmin cu Armida Barelli a si. Amah cu 1882 Dec 1 ah a suak. 1952, Aug 15 ni ah Marzio ah a rak thi.

          A mah cu 1895-1900 tiang Francis Sister pawl tlawngah fimthiamnak a zir lai ah Francis Sister pawl ih an thlun mi pawl a rak duh zet tu le a mai nunram khal an mah vekin nung ve dingah a rak zuam tu a si.

          Cui ruangah nei dingin an dil theu ko nain a rak cohlang dah lo. Farah nauta pawl bawm ding le hngak tah pawl umpi nak tlawng din dingah a rak zuam tu a si. A mah cu Franciscan Siangbawi pakhat a si mi Fr. Agostino Gemelli ih lam hmuhnak thawn tuan tlang dingah Christu ih riantuannak khal an tak din suak.

          Hi mi cu Catholic mi menmen pawl thawn din mi a si ih tui ni tiang pawlkom sungah mipum 2200 thawn leitlun ram 30 ah darh in rian an tuan rero lai a si.

          A mai thlacam sak nak a ngah mi Pathian ih mangbangza ruangah zaangfahak ‘Blessed’ ti mi Mithianghlim dinhmun ah khaisan a si ding. Mithianghlim dinhmun ih thleng thei dingah cun Pathian ih mangbangza hmuhnak pakhat a tul lai.

2. Ignatius of Saint Paul, England

          A dang pakhat cu English miphun a si ih a mah cu “Passionist” (Jesuh Khrih hriamhma) ti mi kaing congregation sungih sungtel pakhat a si.

          A hmin cu Ignatius a si.  A mah cu a dang hlei ce mi nuntuzia thawn a rak nung cang tu a si. A mah cu 1799, Dec 21 ah London ah a rak suak. A mah cu a pa 3 nak fapa a si.

          A thok nak ah cun Englican Biaknak a si ih 1830 Rome a thlen hnu ah Catholic ah a rak lut. Cui hnu 1831 ah Siangbawi a rak cang. 1847 ah Jesuh ih hriamhma pawlkom sungin sungtel pakhat a si.

          England le Belgium ram hrangah a nasa zet mi Fr. Dominic Barberi  cu 1849 ah a nunnak a cem ih Fr. Ignatius in a ai a run awh. Fr. Ignatius cu a nun sungah England miphun pawl Catholic sungih lut dingah cat bang lo in a rak zuam tu a si.

          A mah cu 1864, Oct 1 ah Scotland ah a nunnak a cem ih a hlan ih rak tuan tu Dominic Barberi ih thlan kiang ah an rak phum. A mah cu Mithianghlim sinak ngah hrih lo in upat tlak mi tiin nemhnget nak an pek.

          Mithianghlim dinhmun cang thei dingah cun mangbangza langnak pakhat a duh lai. Pope Francis in a hnuai lam ih nuntu danglam hleice a nei tu pawl lungkim pi nak a nei zo a si.

         3. Mithianghlim si dingah a hmaisabik ngamhnget nak a si mi Pathian riantu tha ti ngamhnget mi Albino Alves da cunha silva khal a tel ve. A mah cu diocesan siangbawi a si. A mah cu 1882, September 22 ah Portugal ram, Codecoso ah a suak ih 1973, September 19 ni ah Brazil ram, Catanduva ah a nunnak a rak cem.

         4. A dang pakhat cu Maria Felicita Fortnata Baseggio a si. A mah cu Sister pakhat a si. 1752, May 5 ah Italy ram, Ferrara khuapi ah a rak suak ih 1829, February 11 ni ah Italy ram, Rovigo ah a nunnak a rak cem.

          Sister Clarangela Ghilardi le So. Floralba Rondi te cu Congregration pakhat sungin a si. Sr. Clarangela Gmlardi cu 1931, April 21 ah Italy ram, Trescore Balneario ah a rak suak. 1995, May 6 ni ah Conco ram ah a nunnak a rak cem.

         5. Sr. Dinar Rosa Belleri khal pau ih Sr. pawl thawn Congregation pakhat sungin an si ih a hnatuan nak ram cu Conco ram ah a si. A mah cu 1995, May 14 ah a nunnak a rak cem.

          6. Mithianghlim cannak a ngah tu dingih ngamhnget mi pawl lak ih pakhat cu Elisa Giambelluca a si. A mah cu St. Theresa nuntuzia thawn a rak nung ve tu, mi men men Christian nunau pakhat a si. A mah cu 1941, April 30 ah Italy ram, Snello ah a rak suak ih 1986, July 5 ah Rome khuapi ah a nunnak a rak cem.

https://bit.ly/3uxFDxv