Iraq ih um Abraham ih khua ah Pope Francis a tlawng ding February 22, 2021

Iraq ih um Abraham ih khua ah Pope Francis a tlawng ding

February 22, 2021

          Iraq ram ih um Ur khuapi cu kum a rei zet mi khuapi hlun a si ko nain khua sungih ralbuainak pawl ruangah khual tlawng tu pawl an malih thuanthu sungih tel mi hmun le ram khal a rak si. Cui hmun ah Pope Francis cu rei lo te ah a va tlawng ding. Abaraham cu a kum 99 ah Abraham ti mi hmin cu Pathian hnenin a rak ngah ih a mah cu Christian, Islam le Jew Biaknak pawl ih Pa tiih rak kawh mi a si.

          Pope Francis cu March 6 ni ah Biaknak a phunphun hotu pawl thawn thla an cam tlang ding. Cui hmun sungah remdaihnak le Biaknak nak pawl karlak ih remdaih nak pawl tumtah mi cui thlacam nak cu “Abraham ih fa le pawl ih thlacamnak” tiin hmin an pek. Cui hmun ih um leilung lam ih thiam nak nei tu pawl khal in Pope Francis an rak hngakhlap na sa. Pope Francis ih a tlawng nak ruangah leitlunhuap khualtlawngtu pawl ih duh nak khal a thang sinsin ding tiah an zum.

          Cui khuapi ah kum 20 hna a rak tuan tu Islam Biaknak sungih mi in “Kan kohhranpi pawl khal in Pope Francis an hmuak ih khua sungih remdaihnak din thei dingih an ruahsan thu” a rak sim.

          Hi mi thuthang cu Aleteia thuthang ih kan ngah mi a si.

Photo courtesy of U.S. Department of Defense | Public Domain

https://bit.ly/3b54tx1