Ruahnak luan mi Muslim pawl ih siatsuahnak a tuar tu Mosul khuapi cu Christian pawl le Muslim pawl kom aw in an rem sal February 23, 2021

Ruahnak luan mi Muslim pawl ih siatsuahnak a tuar tu Mosul khuapi cu Christian pawl le Muslim pawl kom aw in an rem sal

February 23, 2021

          2014 ah ruahnak luan mi pawl ih rak siatsuah mi Mosul khuapi din sal ding cu UNESCO ih tumtah bik mi a si. March 7 ni ah Pope Francis khal a tuukhaal khual a tlawng ding. Tu vek ih rem sal nak ah inn lawng si lo in ruah nak tha lo pawl ih rak siatsuah mi mipum pawlkom khal din sal a tul. Remsal khal ah a thupi hlei ce mi inn pawl remsalnak cu Iraq acozah in, Iraq dinsalnak pawlkom thawn an tuah tlang ding a si. Hi tumtah mi cu a thupi zet mi hnatuan a si.

          Ziangah tile siatsuah nak pawl thawn a khat mi inn pawl a si ih hngetkhoh nak khal a ruat ih, hnatuan tu pawl ih humhimnak le a tulsam mi inn sak nak ih a tul mi thilri pawl phur in an tuah nak ah siseh, a hlan ih inn a kauh daan le an tuah mi cekci ih cang thei sal dingah cu thil nep nawi tiangih tuah dingah cun thilharsa hnatuan a si.Ramsungah ruah nak tha lo Muslim pawl in a thupi zet mi, thuanthu sungtel inn pawl ih phar pawl cu IED hrangah an rak siatsuah. Cui hnu ah lungto pawl thawn dawl in bilatme pawl thawn an rak phit sal.

          Curuangah phar karlak ah bomb pawl an phum maw ti khal cu zohman in fiang zet in an rak sim thei lo. Hi khuapi hlun remsal nak cu a hlan ih khua mipi pawl a si mi Muslim pawl in Christian pawl um sal dingah an sawm rero.Ruahnak tha lo luantuk  Muslim pawl ih an rak siatsuah hlan ah an mah pawl cu inn hnen le venghnen pawl an rak si.

          An mah cu hmunkhat te ah remdai zet in an rak um. Mipi pawl khal in hi tumtah nak hrangih tel dingah tha pe in an forhfial rero. Muslim pawl ih Bali (Mosque) pawl remsalnak siseh, Christian pawl ih Biakinn pawl remsalnak ah siseh thleidannak um lo in an rak tuan tlang.

          Khuapi hlun ih mipi 400 luan cu tui rem that sal nak ih bawm dingah hnatuan an pek. Hi vek in ram mipi pawl hrangah a tunghmun lo mi hnatuan neih lo nak khal a tawl rel sak cia ah a cang. Mifim pawl, enginner pawl, hlanlai thilri, hlanlai thilhlun thu thei tu mifim pawl, inn sak tu pawl thawn komawknak in Muslim Bali le Biakinn pawl cu 2023 ah sak theh dingah an tumtah. Ukkhee pakhat dawl theh tinten an mai Mosul khuapi tharthawh sal ni, nikhat hnu nikhat a nai deuhdeuh thlang ding.

Hi thuthang cu February 23, 2021 ah Rome Reports thuthang ih kan ngah mi a si.

Photo courtesy of: Aleteia

https://bit.ly/3pQrjMY