Covid nat suan awk nak kham a theih hlan ah ziangruangah Iraq ah khual a tlawng timi thu Pope Francis in sim March 8, 2021

Covid nat suan awk nak kham a theih hlan ah ziangruangah Iraq ah khual a tlawng timi thu Pope Francis in sim

March 8, 2021

            Pope Francis cu Iraq ram ah tuukhal khual tlawn a theh hnu Rome ih a tlun lam vanzam parah tuah daan kel vekin thuthang la tu pawl ih an thusuh mi pawl cu a san nak a pek. Cui a san nakah ziangruangah covid nat suannak a hloh hlan ah Iraq ih khual a tlawn nak thu thawn pehpar aw in an suh mi cu a tang lam vekin san nak a pe.

            Himi khual tlawn nak dingah a phur zet thu tubaite ah a sim zo. Himi khual tlawng dingah caan la in reipi a ruat thu, himi khualtlawn nak hlawhtling ding khalah thla a cam thu, cui hnuah a hnget mi thu potcat nak a tuah thu, himi thu potcat nak cu a sunglam ihsin a suak mi khal a si thu, Pathian in himi khualtlawnnak hrangah thu pot cat dingah a bom thu, Pathian a mah rori ih a thlah mi khual tlawnnak asiih covid natsuan nak um lo dingah a kilhim ding thu, himi khual tlawn nak caanserh a tuah nak ruangah pekawk nak a um ding ti a theih thu, thla a cam hnu ah thupi zet in ret in thu a potcat thu, a tui khual tlawn nak a tuah ruangah hmailam ah Pope dinhmun in a mai suahnak khua le ram ih a tlung tik khalah zo hman in an el lo ding tiin a sim.

            Pope in himi pulhnat suan ding a tih ih a ram hman ah a feh lo timi mipi pawl kha a hman lo mi thuthang pek a duh lo.Tikcu caan le a remcan le a feh leh ding. Ziangruangahtile anmah pawl cu Argentina, Uruguay, sak Brazil cutivek nunphung daan a bang lomi hmun pawl a si. Pope cu Pope dinhmun in Pathian rian a tuannak kum hra sung a suah nak ramah a feh lo thu cu a thei duh tu pawl hrang hnih suah sai nak ah a sim nak a si.

            Thenkhat in Pope ziangruangah Argentina ah a feh lo. Ziangtikah a feh ding ti an thei duh. Hitivekin a thei duh tu, a sut duh tu pawl hnen Pope ih a sim mi cu "Argentina ih ka um nak kum 76 a si zo. ka ning ding a tul zo. Ka ning thlang lo ding maw. Ning a tul tiin ziangruangah zohman in in ti lo. 2017 ah Argentina ah tuukhal khual tlawn nak in feh dingah a tum dah. Chile, Argentina le Uruguay cutivek ram pathum ah a feh tum. A tu kum 84 a si zo tikah a hlan hnakin khual hla pi tlawn tikah a bang thu a sim. Asinan mi tampi hmuh nakah Pope cu tuukhla khual tlawn nak a feh ding asile bang lo vekin an ruat. Himi thuthang cu Rome Reports thuthang ihsin kan ngah mi a si.

https://bit.ly/2PWcmNl