Pope Francis cu Sanmarino ram ih Siangpahrang ih tidai lam hnatuan tu upa pawl thawn tong aw March 15, 2021

Pope Francis cu Sanmarino ram ih Siangpahrang ih tidai lam hnatuan tu upa pawl thawn tong aw

March 15, 2021       

Pope cu tuikar tlawngkai nikhat niah Sanmarino ramih Siangpahrang ih tidai lam hnatuan tu upa pawl a simi Alessandro Dardelli le Mirko Dolcini pawl cu Pope ih zungah an tong aw. A tlun lam ih upa pawl cu Vatican ih secretary asimi Cardinal Pietro Parolin thawn ramdang tidai lam zungih secretary Archbishop Paul Richard Gallagher thawn khal an tong aw. Cui ton awk nak thawn pehpar in Vatican thuthang zung ih an than nak vekin Vatican le Sanmarino ram hnih karlak hmunkhat ih tuah nak pawl ih a rah pawl cu di a riam thu, thu an relkhawm nak ah hmun tinkim ih thuhla pawl khal a tel thu, Europe le a dang rampi thuron mi pawl pehtlai nak thu pawl cutivek thuhla pawl a si.

            Ahleice ih ret ih an relkhawm mi thuhla pakhat cu hardam nak thu le an ram sung covid dokham nak sii dawt nak progam pawl thu, innsang thuhla pawl pehpar mi ram pi ruah nak pawl, nauneih zat le nau nei tu pawl bom nak program pawl, cuihleiah a vai tu pawl thawn pehpar in khal thu an rel tlang thu an telh bet. An thlan mi sungah cui ram pahnih cu a tuvek rah tha asimi pehtlaih awk nak thawn tuan tlang nak cu hmailam ah tuah vivo dingah le ram tinkim tiang tuah dingah tumtah nak an neih thu khal an lang ter. Himi thuthang cu Vatican thuthang ihsin kan don mi a si. 

https://bit.ly/2OG3hb9