Kawlram dinhmun thawn pehpar in leitlunhuap Catholic mipi pehtlaih awk nak Pax Christi le Focolare pawlkom pawl ih thuthan nak March 16, 2021

Kawlram dinhmun thawn pehpar in leitlunhuap Catholic mipi pehtlaih awk nak Pax Christi le Focolare pawlkom pawl ih thuthan nak

March 16, 2021

         Ralkap ih dik lo ih thuneihnak an lon nak lungkim lo nak thawn Kawlram mipi pawl in tuahmawhnak um lo in remdai ten an duh nak raltha zet in an phorh nak aw theih a si thu, tu vek in thuneihnak lonnak cu Democracy daan thawn dik zet ih tuah mi hril awk nak lingleh nak vek a si.

Curuangah Kawlram ih a thupi zet mi dinhmun thawn pehpar in leitlunhuap Catholic mipi pehtlaih awknak zung a si mi Pax Christi thawn kom aw in Focolare pawlkom khal in rampi le mipi pawl hrangah an ruah a har zet. Kawlram mipi pawl thawn thinkhat lungkhat ten a um thu, raltha zet mi, mipi pawl dinhmun in nitin an nun a cem nak, kaih nak, vuaknak le hmuhsuam ih hrem an tuar rero hi hmuh rero mi asi ko nain dungsiip loin lungrual ten a dik lo mi do dingah le pakhat asimi lamzinpi parih an thlen sal khal hmuh rero mi a si thu, lamzin par ah pot tahrat in duhphorh nak a tuah tu tam sawn cu mino pawl an si.

          Hi duhphorh nak tuah nak cu a dik lomi pom thei loin Kawlram miphun pawl ih tuah mi dik lo ih thuneihnak a long tu ralkap hnenih an lang ter nak a si thu cu thuneitu ralkap dinhmun in zaan tin bel, pung tum awn theih nak thawn that lo nak, mi tha lo pawl an duh lo thu theih an theih ter thu, zumtlak mi thuthang cu Democracy hrangih a thupit tuk ruangah ram ih neih mi thuthang ca, TV pawl in an mai dik lo nak, palh nak pawl khuh dingah a hmanlo mi thuthang pawl a thlah rero tu ralkap ih tuah mi khal mawh a thluk thu, media pawl ih him nak hrangah khal zangfah a rak dil. Ziangahtile thuthang lak lai ih kaih a tuar tu media pawl kai le kah nak, hrem nak pawl khal a um thu, media pawl cu leitlun dinhmun a hman mi kha leilungpi ah tikcu khel ih a thlah tu pawl an si thu, thuthang zalen nak khal um a tul thu hi democracy cangvaih nak cu hrokhrol loin a pek ih ralkap hnenah ukawk nak daan thu hrampi khal thazaang hmang ih an um nak khal hmuh theih a si thu, cu vek in harsatnak pawl a um ko nain Kawlram in Democracy lam pan in hmaisabik kekar a rak thok. Hi vekin ram sung ralbuainak, thuneih nak lon nak ruangih a bang zet tu ram mipi pawl hnenah hmailam caan hrangih ruahsannak pakhat a rak pek thei. Hi ruahsannak cu siat suah ding hnakin din sal a tul.

         Cui hlei ah Kawlram mipi pawlih tongkam ngai a si rero. Mipi pawl ih tuar nak khal tui thuneihnak a long tu ralkap acozah in mipi pawlih that nak siat suah nak, an zalen nak, tumtah nak pawl siatsuah nak a si tiin siseh, ram khel lam zuamawknak hril nak lawng a silo. A kum a kum, a thla a thla ih rak dinmi milai ih thil tuah thei nak thu hrampi pawl siat suah dingah, nuam te ten a cang mi zalen nak le democracy ukawknak ihsin dung an siip tiin ruah nak an nei.

         Kan nih cu Catholic pawlkom pawl kan si vek in Pope Francis le nunphung pawlkom, leitlunhuap ih Biaknak lam hotu pawl thawn tu vek in upadi daan um lo ih  thuneihnak a long tu ralkap uknak cu nasa zet ih a mawhthluk thu le ram hrangih that nak pawl a suak ter tu ding thurelkhawmnak pawl tuah in democracy dinsal dingah zaangfah an dil. Cu vek in Daw Aung San Suu Kyi le kaih a tuar mi acozah sungtel pawl, hotu pawl zamrang ten thlah sal dingah, thuneitu ralkap pawl khal duhphorhtu mipi pawl le media pawl hriamhrei rinsan in ziangvek hriamhrei hman a nei lo mi mipi pawl tuah mawhnak, kahnak, thawngthlaknak pawl cawl dingah zaangfah an dil.

         Cu vek in Rohingya Muslim pawl le a dang miphun fate pawl par ralkap ih tuah mi pawl dik zet lo in le tuanvo lak nak thawn reh ter dingah, hi vek ih sualnak cu hmailam caan ih tuah bet nawn lo dingin humhim dingah, leitlunhuap thawn pehpar mi pawlkom pawl, a thupibik in Asia-tipithuanthum kiangkap ih a um tu pawl in a dik lo mi thuneihnak long tu ralkap acozah khal mipi pawl ih hril mi acozah cu thuneihnak ap sal in Democracy din sal dingah le thazaang tam zet mi kiangkap ram pawl khal mai ram ih a suak mi thathnemnak lawng kha ei dawk lo in kan mah Pax Christi, leitlunhuap thawn pehpar mi mipi pehtlaih awk nak pawlkom le leitlunhuap ih Focolare sungtel pawl zate dinhmun in Kawlram dinhmun thawn pehpar in kaa ciip men lo dingah le a cang thei tawk in mai theih mi thuthang hman pawl cu mai ti thei tawk ih kuat dingah khal a forhfial.

         Pehtlaihawknak daan thawn dik lo ih thuneihnak a long tu ralkap pawl hnenah mipi ih acozah hnenah zamrang bik ih thuneihnak ap sal dingah le Democracy ram ih thleng sal dingih bawm cio ding khal ah a forhfial. Kan mai pawlkom ih a hleice ih tumtah mi cu remdaihnak khaisan ding hi a si. Curuangah remdaihnak cu a cang thei. Remdaihnak cu tidan pakhat lawng a si.Democracy cu cui remdaihnak lamtluan hrangah mei-far vek a si,” tiih a sim tu Asia Bishop pawl pawlkom ih hotu a si mi, Yangon ih Archbishop, Cardinal Charles Bo thawn an um tlang thu, thuthan an rak suah. Hi thuthang cu Signis thuthang ih kan ngah mi a si.

Photo courtesy of: Reuters

https://bit.ly/3r015Zb