2021, Zarh thianghlim hrang Pope Francis ih timlam mi pawl March 23, 2021

2021, Zarh thianghlim hrang Pope Francis ih timlam mi pawl

March 23, 2021

          The Holy See Press Office ti mi Pope zungin tui kum Zarh thianghlim hrang Pope Francis ih timlam mi caancerh pawl a tarlang.Thianghlim tlawngkai nili ni hrangih Mass raithawinak cu Cardinal Giovanni Battista Re in a hoha dingih Good Friday ni ih Thinglamtah lampi thlunnak khal timtuah a si dingih tuanvo nei tu pawlkom, Roman parish le hmun dang ih mino pawl in tuanvo an lak ding.Vua tikcu in Zarh thianghlim ih kan naih cuahco vek in Vatican in Pope Francis ih hoha ding mi Zarh thianghlim hrangih caanserh pawl cu tlawngkai nihnih ni ah felfai zet in a rak suah.

Pope thawn pehpar mi caanserh pawl cu Msgr. Guido Marini ih lamhmuh mi vek in tarlang a si ding:March 28, Palm Sunday hrang Mass raithawinak cu zinglam nazi 10:30 ah St. Peter’s Basilica ih pulpit ih tuah dingih timtuah a si;

• Sahriak thluasuah pek nakih Missa sumnak cu April 1 ni nazi 10:00am ah St. Peter Basilica ah Pope ih hoha nak thawn tuah a si ding.Cui ni tlai lamah Bawipa’i zaanriah raithawinak cu nazi 6:00 pm ah a si ding. Cu mi cu Cardinal College ih hotu, Cardinal Giovanni Battista Re in a hoha ding.
• Good Friday ni, April 2 ni, Vua tikcu caan theh hrangih caanserh cu pulpit ah zaanlam nazi 6:00am ah an tuah thok ding. Cu theh hnu ah Thinglamtah lampi thlunnak cu Vatican ih St. Peter tualrawn ah zaan nazi 9:00 ah tuah a si ding.
• Zarhte ni, thosal zaan vigil  Mass caanserh cu St. Peter’s Basilica ah nazi 7:30am ah tuah a si ding.
• Thosal zing (NiPi ni) Missa raithawinak cu St. Peter Basilica ah nazi 10:00 am ah an tuah thok dingih cui hnu ah an tuah theu vek in ‘Urbi et Orbi’ thlasuah pek nak cu sun lai fang an tuah a si ding.

Hi mi timlam mi zate cu Biaknak lam dinhmun in Covid-19 karhzainak kham dingah humhimnak thawn rikhiah in tuah a si ding.Pope Francis in tui kum Good Friday, Thinglamtah lampi thlunnak hrang Pathian thuruahnak thawn timtuah nak cu “Foligno I” ti mi Agesci tuanvo nei tu pawlkom (Ubria) le Santi Matiri di Uganda ih Roman Parish (Holy Martyrs of Uganda) pawl hnenah tuanvo a rak ap.Thinglamtah lampi thlunnak ih Bawi Jesuih zuk a keng tu ding pawl cu “Mater Divini Amoris” innsungsang le “Tetto Dasal Fattoria” ti mi innsang ih nauhak pawl le mino pawl an si ding.Pope zung in tlawngkai nihnih ni ih an suah mi catlang ah ‘the Via Crucis” hrang Pathian thuruah tlang nak le zuk pawl cu kum 3-19 karlak nauhak pawl in tim an tuah ding.

              The Agesci Scout Group “Foligno I” ti mi pawlkom cu lamhruaitu 21 le kum 8-19 karlak nauhak 145 thawn tuah mi a si. An mah hotu pawl thawn Thinglamtah lampi hmun 14 le cu mi thawn pehpar mi nitin a hmuhton mi pawl an tim tuah zo.

Nauhak 500 hrawng le Bawipai Thi le Sa a hmaisabik nak a sang tu mino pawl le Christma tha pek nak a lak tu pawl in an bawm ding tiah Vatican thuthang ih kan don mi a si.

Photo Courtesy of Vatican Media

https://bit.ly/3w2ctHN