Indionesia ih um Catholic Biakinn ah Thulhfau puai Zarhpi ni ah bomb puahnak ruangah mi hrekkhat hriamhma an ngah March 28, 2021

Indionesia ih um Catholic Biakinn ah Thulhfau puai Zarhpi ni ah bomb puahnak ruangah mi hrekkhat hriamhma an ngah

March 28, 2021

          Thih tuar tu bomb puah tu tiih rinhleh mi cu Indonesia ram, Sulawesi tikulh ah Palm Sunday ih Missa sumnnak theh ah Biakinn sungih a pot tu Catholic pawl hmuitin in an rak do.

          Thianghlim zarh ih a thok a si mi “Palm Sunday”, March 28 ah Sulawesi ramthen, thlanglam ih khualipi, Makassar ih um Bawi Jesuih Thianghlim Thinlung Cathedral tlawngah cui bomb puah nak ruangah Biakkhawmtu pawl sungin a mal bik minung 10 hriamhma an rak ngah thu theih a si.

          Missa sumnak tuah tu Fr. Wilhelmus Tulak in bomb puahnak cu an ram tikcu caan, zinglam nazi 10:30 hrangih a rak can thu, rinhleh mi cu cycle thawn a rak thleng ih Biakinn sungih luh a tum rero ko nain kiltu pawl in an on lo ruangih a kir sal thu a rak simfiang. A dang thuthan mi pawl ah tuahmawhtu pahnih an um tiin a rak sim.

          The associated thuthang zung in Biakin gate hmai ah taksa a hmuh tu Cellular video pakhat a rak ngah tiin a rak phuang ih BBC thuthang zung khal in bomb puahnak cu Biakinn kiang saangka kiang ih a rak can thu a tarlang.Makassar khuapi hotu Danny Pomanto ih dodal tu in luhnak ih siatsuah a si ah cun hriamhma pawl tampi a um ding tiin a rak sim. Makassar khupi cu Indonesia ram ih a panga nak a tumbik mi khuapi a si ih leilungtlun ah Muslim tam sawn umnak ram a si. 2018, May thla ah Indonesia ih a pahnih nak a tumbik mi khuapi a si mi Surabaya ih um Sual hram nei lo ih a seem mi St. Mary Biakinn tel in Biakinn pathum cu bomb puah tu innsang pakhat in an rak siatsuah.

          Hi thuthang cu CBCP thuthang ih kan ngah mi a si.

https://bit.ly/39rx6TQ