Philippines ram cu leitlun rampawl lakah Catholic kawhhran sungih Baptism lak tu tambik nak a si

Philippines ram cu leitlun rampawl lakah Catholic kawhhran sungih Baptism lak tu tambik nak a si

          Vatican ih cazin lak nak vekin 2019 kum sungah Philippines ram ihsin kum 7 tang baptism a sang tu nauhak 1.6 million (ting hra le thawng sawmruk) an um thu theih a si. Cutivekin Philippine ram hrangah tuikum cu Bawi Jesuh ih Gospel thuthangtha a thleng nak kum 500 kum kimnak puaipi an tuah rero a si. Cazin lak nak vekin kum 7 tang baptism a sang tu ram pawl cu a tanglam vekin an si.

1.Philippines          1.6 million (ting hra le thawng sawmruk)

2. Mexico     1.48million (ting hra le thawng sawmli le thawng riat)

3. Brazil       1.05million (ting hra le thawng nga)

4. America   595,286  

5. Comlombia        442,396

          Cutivekin Philippine ramcu leipar ah Catholic zumtu tambik lak ih a pathumnak ram tiin khal dinhmun an nei. Leitlun ih Catholic kohhran sungtel tambiknak ram pawl ih cazin cu a tanglam vek in an si. 

1.Brazil        2019  177 million (ting za le sawmsarih le pa sarih)

2. Mexico     2019  115.5 million (ting za le hleinga le thawng sawmnga)

3. Philippine          2019  89 million (ting sawmriat le pa kua)

4. America   2019  74 million (ting sawmsarih le pali)

5. Italy                   2019 57.8 million (ting sawmnga le ting sarih le thawng riat)

          Philippine ram ah Bawi Jesuh thuthangtha a thlen nak kum 500 kim puaipi cu April 14 ni ah an tuah. Pope Francis in cui ni kimnak hminsinnak ah Missa raithawinak cu St.Peter Basilica innpi ah thlakhat tuan in a tuah zo. Himi kumkim ni ah Pope Francis in “kum 500 ih nan rak ngah mi thuthangtha thlaici cu midang hnen zem uh” tiin Philippines rammi pawl hnen ah forhfialnak a nei a si.