Pope hmin a ngah nak ni hngilh lo nakah Rome khuapi ih zonzai pawl hrang covid 19 dokham nak sii dawt sak April 22, 2021

Pope hmin a ngah nak ni hngilh lo nakah Rome khuapi ih zonzai pawl hrang covid 19 dokham nak sii dawt sak
April 22, 2021
Pope ih karuna hnatuannak zung pi in tlawngkai nili ni ah thu pakhat an than. Cui thuthan mi cu April 23 ni thawn pehpar in a si. April 23 ah Nu Catholic Pawlpi cu kumtin St.George ih puai ni vunmang sal in tuah a si. Pope Francis ih Baptism hmin khal George asi ih hminpek ni a si. Cumi cu sunloih nak in Rome khuapi sungih mi harsa zonzai pawl, inn nei lo mipum 600 hrawng hrang covid 19 dokham nak sii a dawt sak.
Cumi program ah a tel tu pawl cu Pope Paul VI ih innpi ah an dawt. An dawt mi dokham nak sii phun cu America ih suah mi Pfizer-BioNTech phun a si. Pope le Vatican sung tuan pawl zaten khal himi dokham nak sii phun an dawt. Harsa zonzai pawl le inn nei lo pawl dokham nak siidawt nak program cu thianghlim zarh ah a thok. Pope ih Karuna zungih tuanvo nei tu Cardinal Kanrad Krajewski min Pope cu Gospel cathianghlim thawn kaih in pom ding hnakin pek dingah thu a bot cat. Pope cu 2020 kum ihsin thokin covid 19 nat suan a tuar tu pawl hrangah hlan in Romania ram ah thawthawt nak cet a rak hlu.
Vatican ih farah zonzai pawl hrang covid 19 dokham nak sii dawt nak cangvaih nak cu 2021 January ihsin a rak thok. A hmaisabik siidawt mi pawl cu kum 60 luan mipa, nunau pawl le nat nak nasa zet ih a tuar tu pawl le Italy ram ih harhdam nak hngak sak nak thawn harsa zet ih a um tu pawl an tel. A tui a dawt tu pawl cu a veihnih nak a si. A veihnihnak a dawt tu zaten 1400 hrawng an si. Himi pawlkom ah zangfah nak Pathian hnatuan tu Sister kaing (Mother Theresa ih Sister pawl) St.Egidio le "Medicina Solidate" pawlkom pawl ih kilkhawi mi pawl khal an tel. Himi thuthang cu Vatican thuthang ihsin kan don mi a si.
https://bit.ly/32IKz68