Thlanglam Korea Catholic Bishop pawl in nunnak humhim dingah zangfah an dil bet (April 22, 2021)

Thlanglam Korea Catholic Bishop pawl in nunnak humhim dingah zangfah an dil bet

April 22, 2021

            Nauthlak thei nak upadi cu upadi daan a hramthok nak ah telh asiih kum hnih a rei hnu ah "milai nunnak humhimnak comittee" ih a tel tu Korea Catholic Bishop pawl in thuthan pakhat an rak suah. Cui thuthan sungah "a suak hrih lo mi nauhak pawl a hleice ih humhim dingah zangfah an rak dil. Kum tinten taan za leng lo nauvon mi pawl cu ziang vek humhim nak um loin nau thlak an tuar" tiin an rak tar lang.

Nunnak cu a sunglawi tuk

            Nauvon mi cu a hngetkhoh zet mi thuhla um loin mai thubotcat nak thawn zalen zet ih nauthlak nak cu mi dang theih cing na rengreng ih mi thah nak a si. A sunglawi zet mi milai ih man ziang siar lo thawn a bang aw. Nunnak cu a sunglawi tuk. Curuangah milai ih upat tlak sinak ruat in upat a tul. Nauvon thok ihsin humhim a tul tiah an sim. Cuvekin milai nunnak humhim nak thawn pehpar in Nu Pawlpi a din nak khal thlang lam Korea ih um Catholic Parish tinkim ah reilo te ah "milai nunnak le innsungsang" hrangah tumtah in Missa raithawi nak an tuah ding a si. May thla cu "innsungsang thla" a si vekin hi thla ah "minung nunnak" milai ih upat tlak simnak humhim tu nunphung din dingah sa duh an that.

Nasa zet in an mawh thluk

            Tui thuthan cu (2020, August) thla ah nauthlak nak upadi mipi theih ih nemhnget nak nasazet ih an lungkim lo thu lang ter nak ah a si. 2020, August 20 ni ah Seoul Archdiocese ih Cardinal Andrew Yeom Soo Jung thawn Catholic aiawh tu pawl cu thlanglam Korea president Moon Jae-in an tong ih nemhnget mi nauthlak nak daan thawn pehpar mi donharnak, helhkamnak pawl an rak reltlang. A cozah hotu pawl hnenih kuat mi cakuat pakhat khalah nauthlak dingih a thleng tu nunau pawl nauthlak an on hlan ah thinlunglam, taksa lam, thuruah nak lam an rel theh hnu ah ziang ruangah ziangvek dinhmun ah a hnenah hi vekih tuah dingah a rak bot cat timi thuhla pawl ruahnak pek dingah zangfah an rak dil.

Tik cu caan

            Thlanglam Korea ram ah nauthlak nak thawn pehpar mi thu el awk nak cu hi upat cu 2019, April 11 ah an rak thok. Cuti a rak can nak thuhram zoh sal asile 1953 ah fel sal a tul. Cu lai ih donkhamnak cu 2020 ih upadi bal nak a si. A hlan kum dang October thla ah Parliman in nauvon menmen asile nau von hnu zarh 14 sungah nauthlak thei nak le duh lo na cing ih ngah mi nauvonnak a sile nauvon hnu zarh 14 in 24 sungah nauthlak thei nak an pek. 2021, January thla ah acozah in cui upadi lang ter thei dingah a tul sam mi pawl silhkhawh in nauthlaknak upadi nemhnget a rak si. Hitivekin 1953 ih rak tarlang mi nauthlak nak kham nak upadi cu bal a si. Himi thuthang cu Vatican thuthang ihsin kan ngah mi a si.