Pope Francis in Orthodox le Eastern Church timi pawl hnenah ‘Pasca’ thlacamnak capi a kuat (May 2, 2021)

Pope Francis in Orthodox le Eastern Church timi Nisuahnak lam ih Pawlpi pawl hnenah ‘Pasca’ thlacamnak capi a kuat

May 2, 2021

          Pope Francis in St. Peter tualrawn ah Zarhpi sun thlacamnak a si mi ‘Vancung Siangpahrang Bawinu, (Regina caeli)’ theh hnu April 3 ni ah a ropi zet mi Pasca puaipi cu Orthodox le Eastern Church ih um Catholic pawl hnenah ‘Pasca’ cibai buuknak le thlacamnak a rak kuat.

          Orthodox le Eastern Church pawl in “Pasca” puaipi ni cu Gregorian Calendar a hmang tu, Catholic Pawlpi ih an hman ni hnak in mal te Zarh tlai deuh ah an tuah theu.

          Ziangah tile an mah cu Julian Calendar an hmang.  Bible hlun san lai ah kum tin Nisan thla (14) ni ah an hmang. ‘A thosal tu Bawi Jesuh in an hnenah tleunak le remdaihnak, harsa zet ih nunkhuasak rero mi pawlkom pawl khal hnemnak thluasuah pe dingah le an hrangah lungawi nak thawn a khat mi puai si hram seh’ tiin duh sak nak a rak hlan.

          Pope in Israel ram ah mipum 45 an rak thi ih mi tampi hriamhma an tuar ruangah a riahsiat thu a rak langter. Israel pawl in kan dung tlawngkai ninga ni ah an mai Biaknak lam ih caanserh cu Meron tlang parih an hman lai ah tuahmawhnak a rak cang.

          Cui tuahmawh nak ah mai innsang pawl a rak tel tu, riahsiatnak a tuar tu innsang pawl hrangah khal thlacamnak thawn a rak hnem. Cui Zarhpi ni cu ‘Israel miphun zate hranga riahsiat ni’ tiah a cozah in a rak than.

          Hi thuthang cu Vatican thuthang ih kan ngah mi a si.

https://bit.ly/3xPsIsE