India ram ih a cang rero mi covid cu tih a nung tuk tiin Cardinal Gratias in a sim May 6, 2021

India ram ih a cang rero mi covid cu tih a nung tuk tiin Cardinal Gratias in a sim

May 6, 2021

          India ram pumhuap Catholic Bishop pawl pawlkom in May 7, tlawngkai ninga ni cu rawl ul ih thlacam dingah India ih um Christian pawl a rak forhfial.

          Bombay Archbishop khal in ‘Kan nih khal Biakinn tinkim, Siangbawi le Sister pawl tlawng tinkim ah khal Pathian ih bawm nak thawn hi pulh nat zamrang ten an kham thei nak ding tumtah in thlacamnak caanserh pawl tuah dingah zaangfah a rak dil.

          Covid a rak karh thok nak 2020 ihsin thok in Catholic Kohhranpi in Diocese ih siizung pawl an hmang ter ih minung nunnak runnak hnatuan cu acozah thawn an rak tuah tlang.

          Catholic Kohhranpi dinhmun in mipum malte lawng an si ih pehtlaih awk nak a tha ko nain a ngai ngai ah mi tinkim hnen a thleng ban lo. Mitin hnen thleng in bawm ding cu kan duh mi a si ih thleng dingah khal kan zuam rero lai tiin thusuhnak pakhat a rak sim.

          India ram ah covid a rak karh ihsin thok in natsuan mi mina taan 18 a luan zo ih April thla lai hrawng ah a veihnih nak pulhnat a karh sal ih nitin suan mi mina thar 300,000 an um tiin thuthang an tarlang.

          Hi thuthang cu RVA Myanmar ih kan ngah mi a si.