Cardinal Parolin in Vatican ih hna a tuan tu ding Swiss humhimnak ralkap pawl hnen hmuaknak thu sim May 6, 2021

Cardinal Parolin in Vatican ih hna a tuan tu ding Swiss humhimnak ralkap pawl hnen hmuaknak thu sim

May 6, 2021

            Kum 1927 a liam zo mi kum 500 ah tuini May 6 niah Rome khuapi nei dingah a ra tu ral pawl ih kutsung ihsin Pope kilhim phah in Swiss ralkap 147 an nunnak an rak cem. Cuini hminsin ih sunloihnak in kumtin ralkap thar pawl cu cui ni ah thukam an la. Cui thukam lak nak cu a tui Pope le amah aiawh tu ding Pope pawl hrangah nunnak hman pe in kilhim dingah tiin a si. Hnatuan thar pawl le innsang pawl hrangah thukamnak lak hlan nikhat a duh ah Cardinal Parolin cu anmah pawl hrangah St.Peter biakinn ah Missa raithawinak a tuah sak.

            Cardinal in Missa raithawinak a tuah nak ih Pathian thuthangtha simnak ah hnatuan thar pawl hnen an pek awk nak hrangah Vatican aiawh in lungawi thu a sim. Pope par ih rintlak sinak cu Bawi Jesuh duhdawt ruangah a si. Curuangah zumnak le thlarau thazang pawl nei dingah a tul. A leng lam daan a khoh vekin sunglam daan pawl khal nei dingah a tul.

            Missa raithawinak sungih siar mi Gospel Bible thawn pehpar aw in khal Bawi Jesuh ih duhdawtnak ah um nak in Khristian nunram hnget zet in nung dingah a tul thu, Bawi Jesuh thawn um tlang nak ti tikah mai nun ram ih dinhmun tinkim kha Bawi Jesuh thawn hlawm aw in nunnak a si. Hitivekin si ding ah ti daan pakhat lawng a um. Cumi ti daan cu a si ter duh mi thil kha kan nunram ah tuahnak, hmuak nak, a thu pawl nunpinak in Bawi Jesuh thawn ni tin umnak a si.

            Bawi Jesuh thawn sunglam ih um tlang nak cu a leng lam ah a lang ter. Ziangruangahtile Pawlpi ih a hmasabik thurelkhawm nak asimi Jerusalem thu relkhawm nakah dungthluntu pawl cu Khristian asi mi Judah miphun asilomi miphun dang hnen Moses ih daan thlun dingah forhfial nak an tong. Dungthluntu pawl thu botcat nak cu profet ruahnak thawn sim cia nak kim ter nak a si. Ziang vek daan, ziang tluk in a that khal le thih nak ihsin a thosal tu Bawi Jesuh zumnak in siseh, thuthangtha sim nak in siseh kham nak a si lo ding tiin an rak sim.

            Pehbet in Cardinal in hnatuan thar pawl hnen hnatuan nakih pek dingmi tuanvo pawl tha zet in tuan thei dignah thla cam dingah, mah pakhat ciar ih a tha mi nunram thawn Bawi Jesuh  lang ter dingah, dungthluntu pakhat ih hminsin nak cu "Bawi Jesuh thawn um tlang nak, Bawi Jesuh thu sim ding. Tong fang pahnih asimi lungrualnak le thlah nak cu Nu Pawlpi ih thuluu a si. Kan zate ih tawh khal a si. Hnatuan tu ding mi thar pawl tuini nan tuah ding mi thukam thawn nan nunram cu Peter hrang ih pek duh nak a lang ter. Cardinal in "himi in nan nih cu thlah a simi dungthluntu pawl nan si khal pom uh. Bawi Jesuh thawn khal nan kom awk deuhdeuh thu thei hram uh. Peter vekin Bawi Jesuh a pakhat nak dungthluntu si ter hram uh" tiin thla a cam sak. Himi thuthang cu Vatican thuthang ihsin kan si mi a si.

https://bit.ly/3xZ0Ty2