Leitlun pulhnat pi thawn pehpar in Cardinal pawlkom pawl ih ruahnak May 6, 2021

Leitlun pulhnat pi thawn pehpar in Cardinal pawlkom pawl ih ruahnak

May 6, 2021

            Kan dung tlawngkai nili niah online ihsin tuah mi thurelkhawm nakah Cardinal pawlkom in a tui leilung pumpi ih ton rero mi pulhnat ruangah a siat thei mi sumdawn nak le minung um tu zia neta ih a cang thei mi dinhmun thu cu an hlawm aw ih thu an relkhawm. Nu Catholic Pawlpi in himi pulhnat a tuar tu pawl hnen harhdamnak lam bom nak, sumdawnnak dinsal nak le bom a tul tuk mi pawl khal bom an si thu an rel.

            Cui thurelkhawmnak cu Pope Francis khal a umnak Casa Santa Marta ihsin a rak tel. Himi thurelkhawm nak ih a rak tel tu Cardinal pawlkom pawl cu Cardinals  Oscar Rodriguez maradiaga, Reinhard Marx, Sean Patrick O'Malley, Oswald Gracias le Fridolin Ambongo Besungo pawl an siih, anmah pawl cu an ram ihsin an tel. Cardinal pawlkom pawl asimi Cardinal Pietro Parolin le Giuseppe Bertello Bishop Marco Mellino pawl cu an zung umnak Vatican ihsin an tel.

            Hmun a phunphun ih a cang rero mi dinhmun pawl von ruat in, Cardinal pawl pawlkom in a ralai ding mi dungthluntu hnatuan nak pawl timtuah nak ah "Roman Curia" tiih kawh mi Pope kut tang ih zung pawl ih hnatuannak ah ziang tin tuah a tul thu pawl tla an ruat.

            Vatican thuthang zungin "Cardinal pawl cu a tuvekih pulhnat ruangah Pathian hnatuan nak nuam te nak, cawl lo ih tuahnak ding lam pawl an relkhawm ih, cui tuah daan pawl khal thaten tuah thei nak ruah sal dingah  le hminsin tlak mi thil si dingah a tul thu an relkhawm tiin an sim. Neta tuah dingmi Cardinal pawlkom thurelkhawm nak cu June thla ah a si ding. Himi thuthang cu Vatican thuthang ihsin kan don mi a si.

https://bit.ly/3y4vhHe