Covid ruangah India Catholic Puithiam 160 nunnak cem zo May 17, 2020

Covid ruangah India Catholic Puithiam 160 nunnak cem zo

May 17, 2020

            India ram cu nitin a thi tu 4000 lenglo cu covid-19 ton rero nak hmunah virus nat hrik suanawk nak ruangah Catholic Puithiam pawl khal an nunnak an cem. Kan dung kar 5 hrawngah Catholic Puithiam 160 an thih thu, hitin tuat ding asile nikhat ah 5 hrawng an thih thu, Bishop 3 khal an tel thu cu India Catholic Pawlpi thuthang ih editor asimi Capuchin Puithiam Fr.Suresh Mathew in a sim.

            Cazin vek a si le Puithiam 60 cu thukam pathum la Pathian hnatuan pawl sung kaing ih Puithiam pawl an siih, anmah sung ahcun Jesuh kaing sungtel ihsin 24 an thih nak in a thi tu an tam vivo thu covid aveihnih nak ih namnuai nak ah Diocese 174 ihsin cazin pawl an thleng hrih loih felfai ten theih a si hrih lo thu, India ah Catholic Puithiam 30000 lawng an um ruangah nikhat ah 4 an thih ringring nak in tihphan nak a um thu a sim.

            April thla lai hrawng ihsin thokin India ah nitin covid nat suan mi mina ting 3 an um ih siizung le sii thilri pawl daih awk lonak buai nak pawl an ton vekin meiur in ruak ur ding an tam tuk ruangah a tlar in an hngak aw. Tui tiang nikhat ah a thi tu 4106 an um tiin harhdamnak zung in an sim.

            Puithiam a tam sawn cu tik cu khel in tuamhlawm nak an ngah lo ruangah an thih thu le thin a naum lo tuk thu cu Bishop Gerald Almeida in a sim. Ahmaisa tu covid ah a Diocese ihsin Puithiam pakhat a nunnak a cem ihsin Puithiam pawl Sister pawl remcang zet in tuamhlawm nak ngah dingah a dangten quarantine center an tuah ih cui center ah Sister 4, Puithiam 14 nat an ngah ih siibawi pawl in nitin an zoh ih, nurse 4 in cun nitin an kilkhawi ringring thu, a san cu Pathian hnatuan phah in nat saun an tuar ih an thih thu, Puithiam pawl Sister pawl malte an nat hman ah center ah thuhla a theih ter tiiin zuamzet ih a tuan nak cu Bishop in a sim thu Vatican thuthang ih sin kan thei mi a si.

https://bit.ly/3uY0XfB