Italy ah cable mawtor a tla ih a thi tu mimung 14 hrangah Italy Catholic Bishop pawl thlacam May 24, 2021

Italy ah cable mawtor a tla ih a thi tu mimung 14 hrangah Italy Catholic Bishop pawl thlacam

May 24, 2021

            Italy ram saklam, Mottarone tlang lam ah May 23 ah cabel electric mortor siat nak a cang ih mi 14 an nunnak an cem. Italy Catholic Bishop pawl pawlkom ih upa asimi Cardinal Gualtiero Bassetti in a thi tu pawl le a tanglai mi an innsang pawl thawn a riahsiat thu an mai kiang ah a um thu a rak sim. Rin lo pi'n theih mi himi thil cang ruangah kan thin a nuam lo tuk. Colh caan innsang zaten cawl in a suak tu pawl khal an tel ih thin a nuam lo deuh deuh tiin a sim.

          Cable mawtaw a siat nak hmun Novara Diocese ih Bishop Franco Giulio Brambilla khalin Thiang thlarau ih tleu nak thluasuah cu innsang pawl parah thleng dingah thla a rak cam sak. Covid caan reipi lockdowm nak ihsin cable mawtaw pawl to thei nak cu Italy in an on ih a thaisaun ah hitivek a cang. A thi tu pawl sungin nauhak pakhat le Isarel in 6 an tel thu, a dang nauhak pakhat cu a dam lai nan Turin siizung ah tuamhlawm nak a lak rero thu, Diocese sungah thinnat nak thawn a thi tu pawl le a tang lai mi innsang pawl tuamhlawm mi nauhak zaten hrangah a hleice in thla an cam sak. Himi thuthang cu Vatican thuthang ih sin kan don mi a si.

https://bit.ly/3hS4nww