Covid ruangah India Catholic Puithiam pawl thih nak a thang deuhdeuh June 1, 2021

Covid ruangah India Catholic Puithiam pawl thih nak a thang deuhdeuh

June 1, 2021

          India ah covid ruangah Bishop pathum tel in Puithiam 200 luan an nunnak a cem zo ih tamsawn cu harsa zet mi Diocese pawl ah tuamhlawmnak tha zetin an la thei lo ih siivai daih awk lo nak hmun pawl ah an thi tiah a sim.

          Zarhte ni tiang Bishop pathum tel in Puithiam 205, thukam pathum a la tu Sister pawlsungin Sister 210 an rak thi. Capuchin Puithiam le Diocese ih magazine zungih director Fr. Matthew in a thi zo tu Puithiam pawl, sister pawl ih cazin a  la rero ih a thupibik mi harsatnak hmun pawl ah covid nat a besiat nak karlak ah Puithiam, Sister pawl in harsat a tuar rero mi mipi pawl karlak ih feh nak le cui hmun pawl ah siivai an daih awk lo ruangah a si ih hrekkhat cu an tuah ringring tul mi Diocese ih hnatuan pawl tuan phah in suan an tuar tiah a sim.

          June 1 tiang India ah covid nat suan mi mipum 28,175,044 an um ih a thi tu mipum 331,895 an um tiin WHO leitlunhuap harhdamnak pawlkom in thuthan an suah.

          Hi thuthang cu Aleteia thuthang ih kan ngah mi a si.

https://bit.ly/3g0lSs6

Photo courtesy of : Catholic Philly