Ireland Catholic Bishop pawl in Kawlram, nisuahnak a lailak ram le Ireland sak lam ram pawl remdaihnak hrangah thla an cam sak June 17, 2021

Ireland Catholic Bishop pawl in Kawlram, nisuahnak a lailak ram le Ireland sak lam ram pawl remdaihnak hrangah thla an cam sak

June 17, 2021

          Ireland ih Catholic Bishop pawl pawlkom in June 16 ni ah kan dung ih an thureltlangnak theh hnu ah Kawlram, a lailak nak ram le Ireland sak lam ram pawl remdaihnak hrangah zaangfah dilnak an rak nei.

          Covid rikhiah pawl ruangah video online caanserh lawngih rak tuah mi thurelkhawmnak ah tui Kawlram ih dinhmun pawl an rak reltlang ih February thla ihsin Kawlram mipi pawl in remdaihnak thawn duhphorhnak an rak tuah ko nain ralkap council in a phunphun in an rak namneh thu theih a si tiin Bishop pawl in an rak nemhnget..

          Kawlram mipi pawl ih au aw le duhnak upat in namneh nak pawl le tuahmawhnak pawl cawl dingah Ireland Catholic Bishop pawl in zaangfah an rak dil.

          Cui hlei ah nisuahnak a lailak, Israel le Palestine karlak ih a cang rero mi milai le milai lainatnak thawn pehpar in buainak pawl cawl dingah siseh, Ireland thawn pehpar in bainak pawl cawl dingah le ramkhel le nunphung hotu pawl in aw kam sang hmang lo in mi tinkim in an hmailam caan ruahsan thei in remdaihnak hlawm awk nak tuah thei dingah Bishop pawl in an rak sawm.

          Ireland Kohhran pawl khal in mah le mah midang pawl lak ihsin humhim aw thei dingah covid humhimnak sii dawt cio uh tiin an rak forhfial.

          Hi thuthang cu Vatican thuthang ih kan don mi a si.

https://bit.ly/3xoigXO