Brazil ram ah covid natsuan mi mina tannhrek tiang an than vek in Catholic Diocese in thlacam ni a nemhnget June 16, 2021

Brazil ram ah covid natsuan mi mina tannhrek tiang an than vek in Catholic Diocese in thlacam ni a nemhnget

June 16, 2021

          Covid nathrik suan tuar tu mipum an tam deuhdeuh ih ruahsannak le hnemnak hawl dingah Brazil Catholic Bishop pawl pawlkom in covid nathrik kham thei dingah le covid ruangah nunnak a liam tu pawl ih thlarau hrang tumtah in a hleice in thlacam ding ni ah June 19 ni cu an nemhnget.

          Ziangah tile minung nunnak cu man a hla tuk. Cui ni ah Brazil ramsung ih um Diocese tin ih Parish pawl ih um Biakinn pawl ah covid ruangih nunnak a liam tu pawl ih thlarau hrangah Missa raithawinak an tuah sak. Cu vek in zaanlam nazi 3:00 pm ah Bawi Jesuh a thih nak mang sal in ‘zaangfah nak caan’ ah nemhnget in Biakinn pawl ih um khawnglawng tum dingah an cah fingfing. Line par khal in mansalnak thlacamnak ca pawl an ngan.

          Hi ti tuahnak ih tumtahnak cu nat a tuar tu pawl, natsuan tuar in nunnak a liam tu pawl ih innsungsang pawl thawn hmunkhat ih an um thu langter dingah a si.Brazil ram khal a thangso mi ram si dingah siseh, mipi pawl karlak ih a um mi tuarnak pawl malte sung hrial in natsuan tuar in nunnak a liam tu 5,000 ruat dingah, ziangah tile hi mipum cun mi thin a phang ter.

          Thlacamnak thawn thangphawknak langter nak cu natnak a tuar rero tu pawl le natnak ruangah nunnak a liam tu pawl ih innsungsang pawl zawn ruat in hnem dingah a si.Tu vek ih thih nak thannak cu tikcu khel in tuamhlawm thei lo nak, humhimnak sii dawh tlainak, mah ralrin thei daan in humhim daan pawl a si mi ka huhnak um lo nak, natsuan awk thei lo dingin pakhat le pakhat nemhnget mi vek in hlapi ih um lo nak pawl ruangah khal a si.

          ‘Ram tinkim ih thlacam ni’ ih nemhnget nak thawn thlacamnak ih thil ti thei nak zum ah siseh, zum lo ah siseh hi pulh nat thawn pehpar in caan malte pe in ruat dingah ralrin peknak a si.Pulhnat tawlrel nak ah tuah daan a palh nak cu Brazil Catholic Diocese pi in sawhkhih in a rak ruat. Ziangah tile tu vek in besia zet ih suanawknak a karh hlan ah natsuan awk nak malte lawng a um laiah a thahnem mi tawlrel daan tuah dingah a rak tarlang thu Brazil Catholic Bishop pawl pawlkom ih Secretary a si mi Rio de Janeiro ih Assistant Bishop Joel Portella Amado in a rak simfiang.

          Brazil President Jair Balsonaro khal in nathrik besiatnak reh thei lo in an do rero thu le tu hnak in a har mi rikhiah tuah dingah a rak el. Tu ah cun ram ih mipum zateek 10 cu humhimnak sii dawh zo mi pawl an si.

          Hi thuthang cu Vatican thuthang ih kan don mi a si.

https://bit.ly/3wSxpAM