Georgian President in Pope Francis hrang wine pha 1 laksawng pe June 18, 2021

Georgian President in Pope Francis hrang wine pha 1 laksawng pe

June 18, 2021

            Pope Francis in Georgian President Salome Zurabishvili kha Vatican ah a tong. President cu Pope hrang laksawng tiin "wine" pha 1 a pe. Atuvekin wine a pek nak san bik cu himi wine cu BC 6000 kumlai asimi Georgian ram ih hlanlai ro thil thuanthu thilri khal a si. Cui laksawng thawn kum zabi 12 ih Georgian miphun pawl ih biazai cu pat thawn tuahmi zuk pakhat khal a pek.

            Kum 1991 Soviet Russia pawl ih kut tang ihsin an luat hlan tiang Georgian ram mi pawl ih an tuar daan pawl, thuhla pawl hminsin mi thuanthu cauk pakhat khal a pe. Cui cauk sungah a hlan ih a cang mi le a tui cang mi pawl, ram hor an tuar nak ih a cang mi thil tha lo pawl ngan in an finkhawi.

            Pope khal in Bawi Jesuh le Bawinu zuk khal siseh, amah rori ih lethmat a thu mi leitlun hotu apwl hnen a simmi ca khal siseh, President pawlkom pawl hnen khal siseh, Rosary khal siseh laksawng a pe ih, amah hrang khalah "thla in cam sak aw" tiin vei thum asim ih thlacam sak nak a dil.

            President cu Rome ih a um lai ah nunphung le fimthiam nak lam hnatuan pawl Vatican le Georgian cozah pawl karlak ih tuan tlang dingah lungkim nak lethmat a thu. President cu Vaticna ihsin phaun mi Bombino Gesu (naute Jesuh) nauhak pawl siizung khal ah a feh. Ziangruangahtile cui siizung ah Georgian siilam hnatuan tu pawl thlah in harhdamnak lam zir nak pawl an zir ding ruangah a si. Himi thuthang cu Rome Reports thuthang ihsin kan ngah mi a si.

https://bit.ly/3gRHO9a