Thluak lam thannak a fung mi nat a ngah mi nunau pakhat in Bible pum a kut in a ngah theh June 18, 2021

Thluak lam thannak a fung mi nat a ngah mi nunau pakhat in Bible uk khat kumkhat sungah a kut in a ngah theh

June 18, 2021

          Mi men men pakhat sinak in tuah a har zet mi a thupibik in ca ngan tu vek hrangah cun tuah a har zet mi hnatuan pakhat cu thluak lam thannak ih a fung mi nat a tuar rero tu nunau pakhat in theh ko a rak tuah thei.Cui hnatuan cu mangbangza lawng a si lo. Upat suloih tlak zet a si. Ziangah tile Bible Cathianghlim cu a kut rori in uk khat pum a rak ngan suak thei. Cu mi tuah suak thei dingah kumkua sung a rak ngan. A mah vek in India ram ih mipa pakhat khal in covid pulhnat caan ah Cathianghlim cu a kut thawn ca uk uk pum in a rak ngan. Asinain, a mah cu mi men men pakhat a si.

          Tui Cathianghlim a kut thawn a rak ngan theh tu cu Caroline Campbell a si ih hi ruahnak cu 1012 in a rak tuah thok. Hi thubohcatnak cu mi men men pakhat hrangah cun a har zet mi thubohcatnak a si ih a mai thubohcatnak cu mi tampi ih an theih tikah a cang thei lo, mi danglam tiah nemhnget in a thok lam ah cun an rak hrial. An zuamtai. Tu ah a mah cu kum 28 a kim thlang. A mai tha ten a rak tuah mi cu midang pawl khal duhsan a nei mi pakhat khat tuah thiam dingah thazaang peknak pakhat ah a rak can ter. Ziangah tile a mah vek in ruahnak a nuam tu in hi vek ih tuah dingah ruahnak a ngah thei in mi men men ih a um tu palw hnak in a tuah sawn thei ding a si. Cathianghlim ngannak cu a mah in tui thla June 6, 2021 ah a rak theh suak thei.

          A mah cu 1973 ih suak mi ‘New American Standard’ Bible ca sungih a rak ngan mi a si. Cui Cathianghlim sungah cafang 782,815 a tel. A mah cu hi hnatuan pakhat lawng tuahnak a si lo. A dang nitin a tuan tul mi pawl khal pelh lo in a tuah theh. A mah cu dawr pakhat ih hnatuantu pakhat a si ih kum upa pawl kilkhawinak ruuninnpi pakhat ah khal tha petu, thil a thi ih, piano khal a tum theu. Hi mi ruahnak nasa zet in a rak suak ter tu cu a  mai tin uk saya Carl Broggi ruangah a si.  A mai thubohcatnak tuah taktak nak hrangah a mai pawlkom pum in an rak bawm. Cu vek in June 6 ni ah a mai netabik cahmai cemnak cu a tin sungtel pawl in an rak hngakhlap nasa.

          Hi thuthang cu Aleteia thuthang ih kan ngah mi a si.

Photo courtesy of the Beaufort Bazette

https://bit.ly/3vLEEJD