Mi harsa pawl bawm phah in Catholic mino pakhat in Sui laksawng a ngah thlang ding tiah sim June 22, 2021

Mi harsa pawl bawm phah in Catholic mino pakhat in Sui laksawng a ngah thlang ding tiah sim

June 22, 2021

         America ram, Colorado ramthenih Catholic mino pakhat in Sui lawksawng a ngah thlang ding a si. A mah cu mino nunau a si ih mi kilhim tu a si. A tui a ngah mi laksawng cu mi kilhim tu nunau pakhat hrangah a sang bik mi laksawng a si. Hi laksawng a rak cohlan nak cu ruahnak bangawk lo nak ruangah siseh, tuanvo lak lo ruangah siseh mai fa le pawl nu pakhat lawng in a cawm tu nu pawl a rak bawm ruangah a si. A hmin cu Ciara Marie Leal a si. Cui harsatnak pawl a tong rero tu nunau pawl a kilkhawi nak inn cu ‘Mary ih ruahsannak innpi’ tiah hmin a rak pek. Hi innpi cu 2019 in a rak thok. Ram sungih um mi innsang pawl sungin zateek paruk hrawng cun nu pakhat lawngin an pah suak rero lai ih a kum cun kum 18 lawng a si lai. A ruahnak cu pawlkom ih tawlrelnak a si lo. A mah rori ih tuah thok mi a si.

         A mai nau rori khal in fa te pahnih cu nu pakhat lawngin tuanvo la in a sawmdawl. A naunu innsang a neih hlan tiang an rak duhdaw aw zet. Innsang a neih hnu cun an umnak a hlat tuk ruangah 2019 ah a naunu thawn pehtlaih aw sal nak dingah a rak cang. A mah cu kum nauhak ten innsang hrangah hmai a thi rero kha a thei. A mah cu naute pa hnenin siseh, zohnen hman in bawm nak a ngah lo. Leal cun tivek ih a thawh hlan khal ah Denver ih um Marisol Homes le Gabriel House zaangfah lainatnak ih a laifannak ah a tel tu mino pakhat dihmun in rian a rak tuan dah.

         Hi hnatuan ruangah American kilhim tu nunau pakhat dinhmun in fa te pawl nu pakhat lawng ih pah rero mi nunau pawl le nauhak ten innsang nei in innsang tuanvo pawl a tuan thei lo mi nunau pawl bawmnak in hi ‘Sui ta cik’ laksawng an rak pek nak a si. A mah cu Mary’s Homes of Hope (Mary ih ruahsannak innpi) thuhla cu Lynn Reid, OFS hnenin a rak thei. Lynn Reid, OFS khal a hlan ah cun Marisol Homes le Gabriel House ih hna rak tuan dah tu a si.

         Leal cu thuthang la tu pawl thawn thusuhawknak an rak tuah ih a hlu pawl ngah dingah a rak zuam. A mai zuamnak cu 2019 kum cem lam ah thokin 2020 kumthok lam ah a hlu sumpai pawl a rak ngah thok. Asinain, cui rei lo te ah coronavirus ruangah a hlu pawl a rak ngah nawn lo. Asinain, a saduhthah hlawhtling thei dingah a dang tidaan ruah sal a tul. ‘Mary ih ruahsannak innpi’ ti mi tuah suak sal thei dingah a mai Catholic zumnak khal a nung sal. Ziangah tile a mah cu phunhra a kai lai ah Biaknak lam zumnak cu a nunram in a rak tan. A mai zumnak nunram ih kirsal dingah zawhtlang mi lilawn a rak tul. Cui lilawn cu ‘Sui tacik’ laksawng a ngah nak laksawng a si.

         Hi hnatuan ruang khalah a u thawn nai ten an rak um tlang thei. Hi hnatuannak ruangah nuam nak an rak ngah. Ziangah tile a hlan ah Leal a mah rori rak ngah mi thil vekin a dang nauhak ten innsang nei mi innsang pawl, then awk ruangah siseh, mipa pawl in tuanvo la lo in fa tampi pakhat lawng in tuanvo la in sawmdawl rero mi hmuhtonnak a tong rero tu nunau vek um ter a duh nawn lo thu a u nu in a rak sim. Leal cu ‘Sui tacik’ hrangah a ra lai ding mi July ah a ngan mi ca pawl a rak pe ding. Tu ah cun thih hlan lo mi kilhim tu nunau a tin sungtel a si. Curuangah a dang hmin in laksawng tacik hrangah a zuam thei nawn lo.

         Asinain, kum 13 rei hnuah nunau humhim tuih pahsuak nak hrangah lungawi thu sim a tul. Hi ti a rak khuasak nak ruangah cui a hmuh ton mi in tampi a rak zir ter. An mah cu an tumtahnak tuah thei dingah, sumpai kilhimnak, sumdawnnak, nunphung, tulsam mi pawl an si. Hi thil zate cu mi pakhat ih thanso nakih thlengawknak le thansonak hrangah a thupi zet. mah cu caantha tampi an rak pekih lungawi thu sim a cawlh lo ding thu a rak sim. A saduhthah mi pawl tuah suak thei dingah a tul mi sumpai pawl ngah dingah hnatuan pawl thuhla website (https://bit.ly/3w7BJLH) ah tarlang in mi tin in siar a theih. A hlu sumpai pawl pek khal a ngah. Hi thuthang cu CNA thuthang ih kan ngah mi a si.

https://bit.ly/3x0oZYe