Nigeria Catholic Puithiam le tlawngta 140 kaih an tuar July 6, 2021

Nigeria Catholic Puithiam le tlawngta 140 kaih an tuar

July 6, 2021

         Nigeria ram, Maiduguri Diocese hotu Catholic Puithiam, Fr. Elijah Juma Wada kaih a rak tuar nak thu le a cang thei tiih an ruah mi pawlkom cu Boko Haram pawlkom a si. Hi thilcang cu kan dung tlawngkai nithum ni ah Nigeria ram, sak lam ih um Borno ramthen ah a rak can lawng si lo in Kadune ramthen, phunsang tlawng ih tlawngta 140 khal kaih an tuar.

          Puithiam cu rian a tuan rero nak Diocese ih khuapi ih khual a tlawn lai ah an rak kai. Curuangah a mai kohhran mipi pawl in an mai Puithiam zamrang ten a luat thei dingah tiin thla an cam sak rero tiah an sim. Tlawngkai nikhat ni, zingpit te ah tlawngta pawl khal kaih an rak tuar ih tlawngta 26 le sayamah pakhat cu an run suak thei. Asinain, a tanglai tu pawl mai inn ah himdam ten an tlun thei sal nak dingah humhimtu pawl in an zuam rero lai.

          Nigeria humhimnak pawlkom cu 2009 ihsin ruahnak tha lo pawlkom pawl thawn an rem awk lo thu le buainak pawl ruangah minung thawng za leng lo an thih vek in minung taanhnih luan pawl khal in mai um nak tansan in an tlan rero tiah an sim. Hi thuthang cu Vatican thuthang ih kan ngah mi a si.

Photo courtesy of AFP or licensors

https://bit.ly/2VeGI0e