Rome khuapi ih mifarah zonzai pawl cu Pope hnen lungawi thu sim dingah siizung ah an feh July 10, 2021

Rome khuapi ih mifarah zonzai pawl cu Pope hnen lungawi thu sim dingah siizung ah an feh

July 10, 2021

          Zarhpi ni zaanlam July 11, 2021 ah Jorge in a kum 63 kim ni cu mikhual dang pawl le Miglioi innpi ah a tuah a si. Cu tawk hmun cu Pope Francis in Rome khuapi sungih inn le lo nei lo pawl hrangah a hlu pek nak hmun a si.

          Cui hmun cu Vatican kiangah a um. A mah cu Peru ram mi a si. Asinain, Italy ram ih a umnak a rei zo. A mah cu a suahni ah Pope Francis siizung a umnak siizung ah inn le lo nei lo tu rualpi 20 hrawng feh in Pope a harhdamnak tha lohli dingah thla a cam sak duh vekin a mah vekin Rome khuapi lawng si lo in leilungpi ih dinhmun tha lo pawl zaten Pope ih a tuah sak mi zaten hrangah lungawi thu a sim duh ruangah siseh, an mah pawl cu Pope thawn naiten an um thu hmuh dingah a si. Cu tiin a mah cu Pope a khaan a umnak dot 10 nak feh a theih a si le “Pathian in thluasuah lo pe hram seh. Kum reipi dam cahnak lo pe hram seh” tiin thlacam sak a duh thu a sim bet.

Kum 63 a kim zo mi Jorge ih ruahnak

          Pope Francis in rei lo te ah a tha deuhdeuh ding tiih a ruahsan thu, a mah siizung ih a hruai tu Sant Egidio Pawlpi hnenah a lungawi thu, a mah cu siivai cekawk nak hmanhman ih a tuah thei thu, Pope in rei lo te ih a dam sal ding thu Angelus thlacamnak theh ah mipa hnenah a rak sim. A hlan ah Pope a mah rori in a rak siar sak theu ko nain tu ah cun Pope ih siizung khaan ah siar ih a ap vek in Fr. Francesco Tedeschi in a rak hoha. Cui Puithiam cu Trasevere ih um Santa Maria ih Assistant Puithiam a si. Hi hmun cu Sant Egidio pawlkom ih a lai fan nak ah a um.

Sant Egidio pawlkom khal siizung ah an feh

          Siizung ih thlennak cu farah harsa pawl ih zaangfah an dil nak ruangah a si. Tlawng hotu cu Carlo Santoro a si. A mah cu thusuh awknak pakhat ah ‘dinhmun nei lo tu pawl in an mah pawl Pope Francis ih timtuah mi zate hrangah an lungawi zet.Ihkhun pawl timtuah sak nak le zohman ih ziang siar lo mi inn nei lo tu pawl hrangah covid humhimnak siivai dawh sak nak a si. Hi kum pawl sungah Pope Francis cu mi farah mi pakhat ciar thawn naiten a um. Cu vek in mitin khal in mi harsa pawl ih rualtha si dingah nitin in a rak sawm.

Pope Francis hrangah Maria ih laksawng ‘pangpar’

          Tlawng ihsin malte feh bet le siizung ih a kau zet mi tualrawn a um. Cui tualrawn ah St. John Paul II ih sintuh an tuah mi khal a um. Cui hmun ah khal Sant Egidio le an mah an thlah nak inn nei lo tu pawl thawn ‘Vangcung ih a um mi Kan Pa’ thlacamnak an rak cam. St. John Paul II in hi siizung cu ‘Vatican 3’ tiin hmin a rak pek. Ziangah tile a mah siizung ah vei tampi tuamhlawm mi a si ruangah a umnak, zung a feh nak hmunah pakhat vek ih a ruah ruangah a si.

          Cui hmun cu Migliori apartment ih um tu Maria in hoha in Vatican ih tuanvo nei tu pawl le Pope ih siivai tuamhlawmnak a um nak dot 10 nak ah an kai. Maria in Pope Francis pe dingah a rak ken mi cu tuanvo nei tu upa hnenih a pek theh hnu ah cui tuanvo nei tu upa pawl ih lamhmuhnak vekin inn nei lo mi burkhat in an thlun ih Pope tong dingah an feh.

          Hi thuthang cu Vatican thuthang ih kan ngah mi a si.

Photo courtesy of NorthWest Catholic and Crux Now/Google Images

https://bit.ly/36uk9qB