Cuba ramah remdiahnak, thurelkhawm nak thawn hnatuan khat nak tuah dingah Pope in forhfial. July 18, 2021

Cuba ramah remdiahnak, thurelkhawm nak thawn hnatuan khat nak tuah dingah Pope in forhfial.

July 18, 2021

            Pope cu a pum an khuai hnu zarh hnih a reiah Vatican innpi ihsin mipi hmai ah harhdamten a suak thei sal. A dam ti a sinan a dam thluh hrih lo. Cutivekin a aw khal a hlan hnak in a dim deuh. St.Peter tual ih a thleng tu khawmzawh pawl lakah Cuba ihsin khawmzawh tu pawl khal an thleng. Curuangah Cuba ih a cang mi buainak le tuahmawh nak pawl zaten huap in Pope Francis in "keimah cu harsa zet in a nung tu Cuba mipi pawl ih kiangah ka um ringring ti mi thu, ahleice in cui ramkhel remdai lo nak ruangah nasa deuh ih a tuar tu inn sang pawl thawn a um thu, Pathian cu Cuba ram hrang thu hman in ulenau thinlung cu remdiah nak, thurelkhawm nak thawn tuah tlang nak in din thei nak pe dingah thla a cam sak thu a sim.

          Cuihnuah nitlak nak lam Germany, Belgium le Netherland ram pawl ah a hrang mi thli sia ruangah mi 200 an nunnak an liam nak hrangah thin na zet in thla a cam sak thu, cui thli sia ruangih nunnak a cem tu pawl ih an duhdawt mi pawl hrang thinlung rethei in a um tu pawl khal Pathian in a hnem ding thu, harsat a tuar tu pawl a bawm tu pawl khal Pathian in thazang pe dingah thla a cam sak.

          Nitlak nak ram pawlah a tui caan cu colh caan a si. Curuang khalah Pope in cawl dingah a tul thu, colh nak cu hnatuan ih thang sung tla lo dingah ralrin nak thawn do nak a si thu, cutivekih colh nakin hnatuan sal tikah a dang lam ih that nak pawl, ruah nak khal neih ding asi thu himi a thupit tuk thu khal a sim.

          Ulenau pawl, kan hnatuan thei nak hi mang uh. Kan program sungah luangliam lo dingah do thei nak nei cio uh. A hnok mi hnatuan pawl, program pawl karlak ihsin ziang tin cawl ding timi zir uh. Phone pawl khal phit thei dingin zuam in, kiangkap khal kan thleng pei uh. Pathian thawn biak aw in a cem zo mi thazang, ruahnak, thlarau lam thazang pawl nung ter sal uh.

          Pope khal August 4 tiang a cawl ding a si. A cawl ti tikah harhdam nak lam ruangah a siih, ziangvek program pawl hman a cohlang hrih lo ding. Asinan tuan ding mi pawl cu nuam ten a umnak inn ah a um ding a si. St.Peter tual ah a thleng tu khawmzawh pawl hnen sim tul mi pawl a sim hnu a hrang khal ah thla cam sak ding ah zangfah a dil. Himi thuthang cu Rome Reports thuthang ihsin kan ngah mi a si.

https://bit.ly/3eEBqli