Japan ram Tokyo Archbishop Tarcisio Isao Kikuchi cu Asia Catholic Bishop pawl Federal pawlkom ih secretary tiin khaisang July 22, 2021

Japan ram Tokyo Archbishop Tarcisio Isao Kikuchi cu Asia Catholic Bishop pawl Federal pawlkom ih secretary tiin khaisang

July 22, 2021

            Tokyo Archbishop Tarcisio Isao Kikuchi cu Asia Catholic Bishop pawl pawlkom ih secretary tiin khaisang a si. Amah hlan ah Macau ih Bishop Stephen Lee Bun Sang in hi mi tuanvo a tuan ih, tui thla ah a cawl. Archbishop cu himi hna tuan dingah hril a si thu cu Asia Bishop pawl pawlkom FABC in July 22 ah ca an rak suah. Himi hnatuan thawn Asia Bishop pawl pawlkom in thu an botcat nak cu zung secretary in tuah dingah a sim ding, thu a botcat ding, a tuan ding. a bawm ding.

            Tokyo Archbishop cu Miyako ah a suak. Amah cu 1986, March 15 ah "Pathian ih tongkam" Siangbawi pawlkom sungtel pakhat tiin kumkhua Siangbawi can nak a lak. Amah in Pathian hna cu Ghana ram, Korofidua ah rian a tuan. Amah cu Africa ram ah Pathian hnatuan tu tiin a hmaisabik ah hna a tuan. 1999 ah Japan ram ih upa tiin an hril. St.John Paul II in amah cu Niigata ih Bishop tiin 2004, April 29 ah a hril. 2017 October thla ah Pope Francis in Tokyo ih Bishop tiin a hril sal. A tu ah Japan ram ih zangfah lainat nak hnatuan (karuna) hnatuan hotu asiih, cui hmun ih karuna hnatuan zaten ih President tiin khal 2011 ihsin 2019 tiang a tuan. Amah cu Pope ih Gospel thuthangtha than nak zung ih pawlkom pakhat khal a si. Himi thuthang cu CBCP thuthang ihsin kan don mi a si.

https://bit.ly/3zwPLZ6