Asia Bishop pawl "leitlun Pi le Pu pawl le kum upa pawl ni" tuah dingah lam hmuhnak pek July 21, 2021

Asia Bishop pawl "leitlun Pi le Pu pawl le kum upa pawl ni" tuah dingah lam hmuhnak pek

July 21, 2021

Asia Catholic Bishop pawlin leitlunhuap Pi le Pu pawl le kum upa pawl ni cu ziang tin tuah ding timi lam hmuhnak pek. Cui lam hmuhnak cu Asia Catholic Bishop pawl pawkom ih kut tang ih hnatuan nak pakhat asimi Kohhran mi menmen pawl le innsang lam zung in an suah. Pope cu tuikum January thla ah July 25 ni cu himi puai tuah ding asi thu leitlun Pi le Pu pawl cu tuletu hngilh an si thu, kannih khal thil man khung ih a hrampi a simi cu kilkhawi dingah kan hngilh. Curuangah leitlunhuap Pi le Pu pawl le kum upa pawl ni tuah dingah thu botcat a si thu, Pope cu tuikum hrangah himipuai tuahnak thu ruat dingah a hril mi Bible cu "nanmah thawn ka um ringring ding" timi Mt 20:28 ih catlang a hril. Himi puaicu a veikhat nak tuah a si vekin July 25 khal zarhpi ni a ciah. Himi puaicu July 26 Bawi Jesuh Pi le Pu a simi St.Joachim le St.Anna teiih puai ni thlen hlan nikhat a duh ah tuahnak a si.

            Himi puai tuah dingah Philippines ram Catholic Bishop pawl pawlkom ih chairman khal asimi Lipa Archdiocese ih Bishop Gilbert Garcera in Bishop pawl thawn thureltlang in kum upa pawl ih thlarau lam ziang tin kilkhawi ding timi lam an hmuh. Asia Bishop pawl pawlkom ih zung pakhat asimi Kohhran mi menmen le innsang zung in kum upa pawl hrangah kohhran ih tuah thei mi thlarau lam kilkhawi lam thu pathum cu Asia Bishop pawl zung in an than. Cui thu par ah bun aw in Asia Bishop pawl in a tui a cang rero mi pulhnat can ah thu 6 thlun in leitlun Pi le Pu pawl le kum upa pawl ni tuah dingah thu an suah. Cui thu 6 cu

1. Pi le Pu pawl le kum upa pawl hnen lungawi nak Missa raithawinak cu inn pawl ah tuah dingah

2. Line ihsin thlah dingmi Pope Francis hoha dingmi Missa raithawi nak ah tel dingah

3. Parish sung le innsang pawl ah leitlun Pi le Pu pawl le kum upa pawl ih an thupit nak thu le an ruah nak pawl ngaih sak in "pangpar pawl, hla pawl thawn cibai buk nak, laksawng pek nak" thawn lungawi thu sim dingah,

4. July 24 zanlam ah puai ni hrang thlarau lam timtuah nakin sawm nak thlacam nak program pawl thawn tuah dingah

5. Himi ni cu innsang hrang a thupi thu le kum upa pawl hnen, taksa, thlarau a pahnih in kilkhawi ding tuanvo si loin, hnatuan a si thu, (tuanvo timi cu nunphung lam a bang ih hnatuan timi cu Pathian ih pek mi asi.) Theih thiam ding ihh sim nak a si.

6. Missa raithawi nak theh ah leitlun Pi le Pu pawl le kum upa pawl ni thawn rawl ei tlang in tikcu caan hmang dingah a si.

            Archbishop Garcera in nunphung kiangkap, Diocese sungah leitlun Pi le Pu pawl le kum upa pawl ih pek awk nak, ro tan mi pawl in pe timi mang nak, hminsin dingah a tuvekin tauh sak a si ruangah lungawi za a si thu, Asia Bishop pawl, Pathian hnatuan tu upa pawl hnen kuat mi ca ah Bawi Jesuh ih thusim mi le nun tu daan pawl mai thinlung ah thupi ah ret in nung ter tu cu leitlun Pi le Pu pawl le kum upa pawl an duh thiam. An kilkhawi thiam.

            Cutivekin Philippines ram ih Catholic Bishop pawl pawlkom ih President a simi Archbishop Romulo Valles khal in a ram sung ih Bishop pawl le Kohhran mipipawl hrang leitlun Pi le Pu pawl le kum upa pawl ni ziang tin tuah ding timi cu June 4 ah a than zo. Tui kum cu Philippines ram hrangah "Jubilee kum" a si. Ziangruangahtile Philippines ah Khristian zumnak a thlen nak kum 500 kim kum sunglawi tuah kum a si. Curuangah leitlun Pi le Pu pawl le kum upa pawl cu innsang, nunphung kiangkap, ram hrang man asi lomi innsang pawl, rammi pawl asimi cu mang in lungawi ding a si.

            "Ram tin Catholic Pi le Pu pawl" pawlkom a din tu Catherine Wiley in khal pi le pu pawl ih duhmi cu zum nak thawn peh aw in pe thei dingah le innsang sung thlacam nak tuah dingah a si thu, anmah apwl cu an tu le fa pawl hrangah "thluasuah le duhdawt" nak in a pe tu an si thu Asia Catholic pawl ih thuthang sung lam an ngan.

            "Pi le Pu pawl le kum upa pawl" puai ni thawn pehpar aw in sual ngai thiam nak thawn pehpar mi hnatuanpawl a tuan tu Pope ih kuttang zung in May 13 ah "Indulgences" ngah a theih thu le pi le pu pawl khal Missa raithawi nak ih tel nak in khal "Indulgences" ngah a theih thu a than. A tui pulhnat ruangah dinhmun kel a si lo ruangah "Indulgences" cu line ihsin siseh, video ihsin siseh thlah mi Missa ih tel nak in khal ngah a theih thu, Cutivekin cui ni ah zangfah lainat nak (karuna) hnatuan pawl a simi mah ten a ummi kum upa pawl hnen len nak, tuamhlawm nak mah rori feh thei lo asile phone thawn tha pek nak, thlacam nak pawl sim nak in Indulgences ngah a theih. 2008 kum ah Pope Benedict 16 khal leitlun hmun tinkim ih Catholic Pi le Pu pawl hrang thla a rak cam sak. Himi thuthang cu RVA thuthang ihsin kan don mi a si.

 https://bit.ly/3l1sRW1