Tokyo Olympic lek tu pawl hrang Pope Francis in thla cam nak thawn thluasuah pek July 26, 2021

Tokyo Olympic lek tu pawl hrang Pope Francis in thla cam nak thawn thluasuah pek

July 26, 2021

            Avei 32 nak Olympic lek nak cu Japan ram Tokyo ah July 23 ihsin an thok zo ih, lek tu pawl le zuamawk nak a hoha  tu pawl hrangah Pope in thlacam nak thawn thluasuah a pek. July 25 zarhpi ni Angelus thlacam nak ah Pope in thla a cam sak. "Kan dung tlawngkai ni nga ah Olympic an thok zo. Atuvek pulhnat caan ih tuahmi Olympic puaipi cu harhdam ten zuam awk thei nak puai a si theinak ding ruahsan nak, u le nau thinlung neih nak hmuhsin nak si hram seh.

            Pathian cu puai a hoha tu siseh, lek tu pawl khal siseh, himi a thupi mi program theh suak nak hrangah a tuan tlang tu pawl zaten thluasuah pe hram seh" tiin Pope in thlacam nak thawn thluasuah a pek. Zoh nuam zet mi Olympic puaipi cu a taktak in cun 2020 March thla ah tuah ding asinan pulhnat ruangah thawn a si. A tui tuah rero mi puai cu August 9 ah theh ding a si thu, pulhnat tih phan nak ruangah kilhim awk nak in lek tu pawl biakinn ih feh lo ding in khal Tokyo Archbishop in tubaite ah zangfah a rak dil.

            Ram 206 ih lek tu pawl 11656 sungin America ih Grace McCallum miphun Catholic lektu pawl khal an tel thu, McCallum cu Rosary tel loin khuihman ah a feh lo tu zumnak a kai hnget tu Catholic lek tu pakhat asi tiin khal 2019 kum ah Catholic thuthang pakhat ah rak sim mi a si. Himi thuthang cu CNA thuthang ihsin kan don mi a si.

Photo courtesy of the New York Times

https://bit.ly/3y9vIzC