Phone thawn pehtlaih awk nak cu har sat tuar tu pawl le an innsang hrang nun nak a si July 18, 2021

Phone thawn pehtlaih awk nak cu har sat tuar tu pawl le an innsang hrang nun nak a si

July 18, 2021

            Leitlun killi ah harsat tuar tan 25 luan mai inn pawl, innsang pawl, nunphung kiangkap pawl tlansan in hmunhim nak ih an tlan thu cu theih a si. Anmah pawl thawn ziang hman kan keng thei lo nan pakhat lawng ken theih mi cu an duhdawt mi pawl thawn pehpar awk thei nak phone a si. Harsat tuar pawl tlang le kham lak ih an feh caan ah mai innsang pawl, rualpi pawl khuitawk an thleng ih um nak hmun hmuh nak (GPS) hawl in sim a theih. Thupi zet in bom tul caan khalah kawhawk thei dingah, hitivekih pehtlaih awk nak in ziangvek hlawknak hman la loin pehtlaih thei dingah British in a tuah. Himi a tuah tu cu James Pearce a si. Hitivekin hmang dingah ziangvek ram thlen khal le mai ram thu ah um thei dingin thuhla pawl UNHCR ah thuhla pek ding. Hitivekin tuah dingah cumi zungah mah rori feh a tul lo. Phone thawn thuhla kuat a theih. Cumi pawl tuah ding ah paisa cem loin phone hmang thei dingah a si.

          Harsat tuar pawl hrang phone hmang thei nak cu nunram hrang him nak a si. Harsat tuar pakhat cu a hlo mi a fanu phone thawn hawl hmuh a theih. Cumi pawl cu khualtlawn lai cui nauhak a hlo, pehtlaih awk nak a um lo. Cui a fanu te cu a hloh nak hmun ihsin Europe saklam ih a um tu innsang pakhat hnen a thleng. Cutiin an fanu thawn pehtlaih awk nak an nei nawn lo. Ruah thei ding a si nawn lo hnu phone a lak ih biak thei nak zung ah bom nak dil in pehtlaih awk nak tuah in thla tampi a rei hnu ah an tong aw thei sal.

          Harsat tuar tu pawl hrang phone biak thei nak bom nak program thawn pehpar aw in Pope Francis in "minung tinkim cu a tha sawn mi, a nuam sawn mi nunram an tul. Harsat tuar pawl buai nak cu tuahmwh nak thawn felfai ter ding a cang thei lo. Cutivekin felfai ter nak thawn tuah a theih lo" tiin a sim. Pope Francis cu Pope tiih hna a tuan thok ihsin harsa zonzai pawl a thupi ah ret in a tuan. Leitlun ih a tumpi mi pawlkom pawl hnen khal a vai tu mi harsa pawl thawn pehpar aw in khal zangfah nak nei dingah zangfah a dil.

          Harsat tuar pawl hmun a phunphun thleng in remcang loin buai nak pawl a cang a si lo. Kan zaten himi dinhmun kan felfai ter ding. Anmah pawl cu kan inn hnen tiin zoh ding. Anmah thawn malte biakaw in nan nel aw ding. Phone a lak ih biak thei in anmah zangfah nak ruang khalah himi program hnen a lung a awi thu leitlun killi ih video pawl thawn ko in thu a sim. Himi program ih thulu cu "kan zaten kan pehtlaih aw" tiin a si thu James Pearce in a sim. Himi thuthang cu Rome Reports thuthang ihsin kan don mi a si.

https://bit.ly/37431bx