Cardinal Sarah cu cet zuk bawm nak thawn operation an rak tuah July 29, 2021

Cardinal Sarah cu cet zuk bawm nak thawn operation an rak tuah

July 29, 2021

            Cardinal Robert Sarah cu Vatican ih biakthawi nak thawn pehpar mi zung ih tuanvo nei tu in a cawl zo tu Bishop pakhat a si. Tu ah cun tubaite ah operation a rak tuah ruanah operation tuah tu siibawi in a rak bawm tu cu minung siloin cet zuk a si. Cui cet zuk cu da Vinci tiin an ko. Hi technical cu 2006 ihsin thok in Reggio Calabria ah an rak hmang thok. Cetzuk ih bawm nak thawn operation rak tuah dah tu operation tuah tu siibawi in July 29 ni ih a rak sim vek asile Cardinal operation an tuah theh hnu ah siizung ah ni 15 rei tuamhlawm nak a lak hnu ah July 27 ah siizung in a rak suak.

          Cardinal dinhmun in Reggio Calabria siizung a hril nak cu thuhla tampi a um. Siizung, tuamhlawm nak, hnatuan daan a that ruangah a si. Cuvekin tuvekin Diocese pi ih hotu upa pakhat in zum nak thawn a hril nak khal siizung le staff pawl zaten hrangah sunloih tlak a si. Kan dung tlawngkai ni thum ah Siibawi pawl ih tuah mi thuthang sim nak ah Operation an rak hlawhtlin thu, cetzuk technical khal lungawi thu an rak sim. Hi cetzuk cu America company pakhat in a rak tuah ih cetzuk in a hnit thawn pehpar mi nat nak a phunphun, phu lam thawn pehpar mi nat nak pawl operation tuah nak ih hmang ding ah ti daan pawl an telh sak tiah an sim.

          Kum 76 kum asi zo tu Cardinal cu African Cardinal pawl lakah kum upa bik Cardinal pakhat a si. Cardinal cu Pathian hnatuan nak ihsin a cawl zo nan tuah ding tampi nei in, August thla ah khual tlawng dingah program pawl a neih thu theih a si. Amah cu medjugorje ah August 1-6 tiang tuah ding mi a vei 32 nak mino pawl puai ah a feh ding thu kan dung kar ih than mi ah a suak. A vei 52 nak ram tin Bawi Jesuh Thi le Sa congress ih a feh tu pawl hrang Missa raithawinak a tuah sak ding. Cardinal ih secretary cu Reggio Calabria ihsin Italy miphun Lorenzo Festicini asiih, Istituto nazionale Azzurro ih president a si.

          Istituto nazionale Azzurro ih Europe ih a thiam zet mi siibawi pawl, a harsa mi operation pawl khal an tuah thei thu July 28 ni thuthang sim fiang nak ah siibawi ih tuanvo nei tu Festicini in a sim. Operation ih a tel tu siibawi Domenico Veneziano khal in cetzuk  in operation tuah nak ah a cekci in a  tuah thu, curuangah ahlan ih operation hnakin lam ah a sim. Bishop pawl pawlkom ih tuanvo nei tu Puithaim Giulio Cerchietti khal in siizung ih hnatuan nak a lawm. Ziangruangahtile theihnak, thiamnak, theihthiam nak thawn tuan nak cu a tha tuk. Himi thu pawl ruangah Cardinal cu diriam zet in himi siizung cu zumnak thawn a ap. Siizung cu ziang mi thawn tahthim ding timi cu "thuthangtha kengtu" tiin a si. A then ni ah Cardinal cu catawite a ngan. A ngan mi thu cu Naute Jesuh ih Theresa ih thusim mi a si. Cumi cu "duhdawtnak in hitawk hmun ah a lo thlah" ti a si. Cardinal cu himi tong ih san a ti duh bik mi cu a tong ngah. Cardinal hnen lungawi thu sim in, Cardinal hnen khal siizung ih hnatuan pawl khal in thla an cam sak ding thu a sim. Himi thuthang cu CNA thuthang ihsin kan don mi a si.  

https://bit.ly/3ykIXO3