Church of England ih Bishop pakhat Catholic Biaknak ah a thawn ding September 3, 2021

Church of England ih Bishop pakhat Catholic Biaknak ah a thawn ding

September 3, 2021

          A mah cu Catholic Pawlpi ih a luh ding thu, kan dung tlawngkai ninga ni, England Pawlpi sungih Bishop pakhat in a rak sim. A hmin cu Rt. Rev. Jonathan Goodalol a si. A mah cu Ebbfleet ih Bishop pakhat a si. Tu vek ih thubohcatnak ruangah a mah dinhmun in tikcu reipi thlacam in a rak ruah thu, tui thubohcatnak caan a thlen thu, tu vekin Catholic Pawlpi thawn pumkhat ih um thei dingah cun nunram hrangah khal hniksaknak a rak si thu, England Pawlpi sungtel dinhmun in a tha bik ih nuntu khuasaknak cu a mah Christian pakhat cang thei dingah kum tampi a cang ter, a rak thangsao ter thu, Christian nunram le zumnak thluasuah cu England Pawlpi ah a rak ngah ih a nunram hrekkhat ah Puithiam dinhmun in siseh, Bishop dinhmun in a apawknak nunram ah a rak khuasak thu, hi thlasuah cu a thupi ah rei ding vekin a lungawi thu, tu vekih thubohcatnak cu tui Pathian ih kawhnak cu ‘ka man zo Bawipa!’ tiih rulh sal nak a si tiin khal ruah ter a duh.

          England Pawlpi ih a rak theih suak mi cu ‘el awknak’ a si lo thu, lungawi rulh kir sal ding a neih thu, a mah cu kum 60 a kim zo ih Ebbfleet ih Bishop dinhmun in 2013 ihsin thok in a rak tuah. A mah cu nunau pawl Puithiam sinak, Bishop sinak pek mi a lungkim lo mi England pawlkom pawl tha rak petu a si. Cantabury Archbishop Rowan Williams ih thlarau lam lamhmuh tu le secretary dinhmun in 2005 in 2012 tiang a rak tuan.

          A mah cu ni tlak nak lam Westminster Yatih tlawng a duh zet. Cui Yatih tlawng cu London ih rin um zet mi tlawng a si. A mah cu cui tlawng ah Assistant uktu, thlarau lam tuanvo neitu le Biakinn ih tuanvo nei tu dinhmun in 1992 in 1998 tiang a rak tuan. 2004 ah a mah cu Yatih tlawngih tuanvo neitu Puithiam ah a rak cang. Tui Canterbury Archbishop khal a mai thubohcatnak cu riahsia zet in a lungkim pi thu a rak siim. Bishop Jonathan hnenah a lungawi thu, ziangah tile a  mai rinum nak thawn kum rampi rian a rak tuan. A mai hrang khal ah thla ka cam sak ding. Hmailam ih a rian tuannak ah khal tu vek in zuam zet in tuan thei hram seh.

          Pathian rian dingah a mai a hngetkhoh zet mi kekar nak ah a cemnet tiang tuan the ihram hai seh tiin thla a cam sak thu, leitlunhuap thawn pehpar mi England Pawlpi ih hotu Justin Welby in a rak sim. England Catholic le Orthodox theh in leitlun ah a pathum nak ih a tam bik mi Christian pawlpi a si. Bishop Jonathan cu Ebbsfleet ihsin Catholic Kohhran ih a thawn tu a pahnih nak Bishop a si. Ziangruangahtile 2010 khalah Rt.Rev.Andrew Burnham cu Bishop tiin kum 10 rian a tuan zo ih, Catholic Kohhran ah a lut. 2011 ah Catholic Siangbawi pakhat tiin khaisang sal a si. Cui hnu ah a mai hrangah a dang ten phuan mi Walsingham ih Bawinu Diocese thar ah hna a tuan ter. A tu ah cun amah cu England thanglam a laifang nak hmun Oxfordshire ihisn Hendred Catholic Kohhran ih Siangbawi tiin hna a tuan. Amah thawn England Bishop pahnih Rt.Rev.Keith Newton le Fulham ih Bishop Rt.Rev.John Broadhurst tei khal Catholic Pawlpi an pom. 2019 kum khalah a hlan Bawinu ih thlarau lam lamhmuh nak asimi Gavin Ashenden khal siseh, London ih Bishop tiin (1981-1991) tiang hna tuan tu Bishop cu Rt.Rev.Graham Leonard khal siseh 1993 ah Catholic Pawlpi ah a lut.

          Ahlan Engliscan Pawlpi ah upa asimi kum zabi 19 ih St. John Henry Newman le Cardinal Henry Edword Manning tei khal Catholic ih an thawn hnu phur zet in Kohhran sungah hna an tuan. Bishop Jonathan cu a tu Engliscan Kohhran ah a hnatuan nak cu September 8 ah a cawl taktak dingih, Catholic tiina  thawn hnu ah Kohhran sung a hnatuan ding mi cu tha ten sim a si hrih lo. A rei hlan ih a tlansan dingmi a Pawlpi sung ih mipi pawl hnen an pum pek ih an pom nak pawl zaten ruangah a lung a awi thu, anmah pawl cu 2013 Bishop a can ihsin thokin tuini tiang hna tuan thei dingah thazang le lungawinak pawl an si thu, cumi dinhmun cu a danglam thu, Pathian in a kawh vekin hmailamah Pathian hrang rian a tuan ding thu a rak sim. Himi thuthang cu CNA thuthang ihsin kan don mi a si.

Credit to https://bit.ly/2YwKvYr