Europe continent ih a laifannak (Heart of Europe) ah a tuukhaal khua a tlawng tu ding Pope hrang thlacam sak dingah zaangfah dil. September 5, 2021

Europe continent ih a laifannak (Heart of Europe) ah a tuukhaal khua a tlawng tu ding Pope hrang thlacam sak dingah zaangfah dil

September 5, 2021

         Pope Francis in kan dung Zarhpi ni ah Europe ih a laifannak (Heart of Europe) ah a Tuukhaal khual a tlawn ding ruangah a khualtlawnnak lamtluan ih himten a um thei nak hrang thlacam sak dingah zaangfah an dil. Cui khualtlawnnak cu nili a rei dingih a rei tuk lo nan caanserh lawnglawng in a khat mi khualtlawnnak a si. Pope a tlawnnak ding ram cu ‘Hungry le Slovakia’ ram pawl a si.

         Hi khualtlawnnak cu operation tuahnakin a dam sal hnu ah hmaisabik ramleng khualtlawnnak a si. Zarhpi ni ah khawmzawhtu pawl thawn an tonawk laiah September 12 ah Hungary ramah siseh, cui hnu ah Slovakia ramah a tlawng dingih September 15 lawngah Vatican ih a thlen sal ding thu a rak sim. Cui khualtlawnnakah khawmzawhtu pawl dinhmun in tel cio dingah, Hungary khuapi Budapest khualipi ih a fehnak cu Bawipa Thi le Sa upatnak congress ih Missa sumnak a hoha ding thu, cui hnu ah Slovakia ram kilkhawitu Bawinui puai Missa raithawinak theh in a khualtlawnnak a cem ding thu, hi khualtlawnnak hrangah tim a rak tuah tu pawl zate parah a lungawi thu, a khualtlawnnak a rak hngakhlap zet tu pawl khal duhdawtnak thawn cibai a rak buuk cia.

         A mah dinhmun in ralthatnak thawn a khat mi kohhran mipi pawl hnenih a lungawi thu, ziangah tile hrem nak pawl lak ah an zumnak thlauthla lo ten an rak el lo. Hi thuanthu cu Pope Francis in forh ih a sim mi a si lo. Asinan, Europe a lailak le nisuahnak lam ah thuanthu a rak huap ter tu communite san lai ih khuathim a tanglai.Cui besia zet mi tikcu caan ah mai zumnak tansan lo in hngetkhoh zet in pom nak thawn Europe khal raltha zet in teette khaan dingah lamtha a rak hmuh. Tui ni tiang tongka men lawng a si lo. A ngaingai ah an zumnak a langter tiin Pope Francis in a rak sim.

         Hi thuthang cu Vatican thuthang ih kan ngah mi a si.

Credit to Vatican News

https://bit.ly/3zRAQcK