Catholic Pawlpi thawn hmunkhat ih hnatuan tlang nak ruangah a lunghmui thu Vatican hrang British ram palai thar in sim. September 4, 2021

Catholic Pawlpi thawn hmunkhat ih hnatuan tlang nak ruangah a lunghmui thu Vatican hrang British ram palai thar in sim.

September 4, 2021

            Vatican hrangah British ram ih ram palai thar hmin cu Christopher John Trott a si. Pope Francis in amah cu kan dung zarhte ni zinglam ah a rak tong. Vatican hnen ih a ngan mi caah "Vatican hrang ram palai ret nak ca cu Pope Francis hnen tuini zinglam ah pek a siih lungawi za a si thu, tuini cu keimai ram hnih karlak ih ram palai ka tuannak hngilh lo nak pakhat ih a tan ding thu, keimah dinhmun in British le Vatican karlak a danglam zet mi a tha mi pehtlaih awk nak tuah thei dingin tuanvo ka neih caan sungah ka zuam ding thu, Pope Francis ih Pope a tuan sung ah leitlun thu thawn pehpar in cawl loin hna a tuan thu, curuangah hmunkhat ten hnatuan thei nak thu thawn pehpar aw in ka hrangah Pope Francis thawn hnatuan tlang nak cu a danglam mi caantha pakhat asi thu, tahthim nak ah farah zonzai nak um lonak, tikcu thleng nak, buainak pawl timtuah in kilhim nak, ram tin thanso nak le biaknak lam zalen nak le zalen zet in zum thei nak pawl an si.

Vatican hrangah British ram ih ram palai thar Christopher John Trott ih thuhla tawi

          Atui tuanvo a tuan hlan ah amah cu British le Vatican ram pahnih karlak ih ram palai tiin 1991 kum ihsin thokin hna a rak tuan zo. Atui a tuanvo a tuan hlan ah amah cu Sudan le thlang Sudan ih British aiawhtu tiin 2016-2019 tiang hna a tuan. Cuihnuah thlang Sudan ih ram palai tiin 2019-2020 tiang a rak tuan. Amah cu Myanmar, Japan, Afghanistan, thlang Pacific le nitlak nak lam Africa le thlanglam pawl khalah hna a tuan dah. 2007 ah Senefal ah siseh, Guinea Bissau, Cape Verde, Mali pawl ah tuanvo nei tu tiin siseh hna a rak tuan. 2011 ahcun thlang Africa, Cape Town ih ruahnak pek nak tiin siseh, Solomon tikulh, Vanuatu, Nauru pawl khalah commission tiin hna a tuan. Ram dang ah hna tampi a tuan ih, London ah Sumpai lam hna tuan tu tiin khal hna a tuan. Himi thuthang cu Vatican thuthang ihsin kan don mi a si.

https://bit.ly/3naJcbJ