Covid dokhamnak sii a dawt lotu Vatican ih ralkap (3) an hnatuan ihsin cawl October 4, 2021

Covid dokhamnak sii a dawt lotu Vatican ih ralkap (3) an hnatuan ihsin cawl

October 4, 2021

            Swiss kiltu tiin mi tampi ih theih mi Vatican ralkap 3 cu rak nemhnget zo mi vekin covid dokham nak sii kim ko in an dawt lo ruangah an hnatuan nak ihsin an cawl thu le a dang 3 cu covid dokham nak sii dawt dingih an el ruangah an suah.

            Vatican ih uktu asimi Cardinal Pietro Parolin ih lethmat a thut  mi thusuah asimi Vatican ih hnatuan tu pawl zaten covid dokhamnak sii dawt ding. Cui hnuah feh le vah thei nak khuan an ngah ding thu thusuah cu October 3 ni ihsin thok in an hmang. Covid dokhamnak sii dawt dingah a el tu ralkap 3 cu an suah ih, an nemhnget cia mi sii kim ko in a dawt hrih lo tu a dang 3 cu an ti cia mi sii an dawt theh in an hnatuan an tuan sal ding thu Vatican ralkap ih sim rel thei nak nei tu Urs Breitenmoser in a sim. Vatican ralkap pawl cu Pope thawn naite ih an um ringring vekin ralkap hnatuan tu 100 luan pawl thawn naite ih hnatuan pawl an si. Himi thuthang cu Rome Reports thuthang ihsin kan don mi a si.

Photo courtesy of : Newly Swissed

https://bit.ly/2YrMk9h