Italy ih Khristian Thihlu tu pawlkom in Pope Francis cu an pawlkom sungtel ah sunloih October 24, 2021

Italy ih Khristian Thihlu tu pawlkom in Pope Francis cu an pawlkom sungtel ah sunloih

October 24, 2021

         Hi khawmzawhnak pawlkom in Pope Francis tong thei dingah Italy thlanglam in Rome khuapi an thlen nak a si. Pope Francis laksawng hleice pe dingah tim an tuah. An pawlkom cu ‘Fratres San Cassiano’ tiin an ko. An pawlkom hruaikai tu, Maria Chiara Loti in Pope Francis ih khawmzawhtu pawl thawn tonawknakih an ratnak cu Pope hnen sunloihnak ca pakhat pe dingah a si thu, cui sunloih nak cu ‘Fratres San Cassiano’ ih pawlkom ah an nemhngetnak a si thu, hi pawlkom cu ‘thi hlu tu’ pawlkom a si thu, an mai umnak ih suak a hleice laksawng khal an rak pek thu, a mah thawn tongaw in an sim vek si le, nel awten cibai an rak buuk ngah ruangah an lungawi thu, Pope thawn an tonawk laiah ‘ka thi laknak ding thim nan rak keng maw?’ tiah a mai ziaza kel vekin cui pawlkom pawl cu hnihsuah a rak sai. Cui pawlkom sungtel pawl khal cun ‘keng’ tiah an rak sawn ih Pope thawn an rak tonawknak thu an rak sim.

         A sim bet mi cu ‘kan nih cu thi kan hlu a tul. Thi hlut nak cu nunnak pek nak a si. Zianghman ruahsan lo in an hlut nak a si. Hi thuhla khal Pope Francis ih tuini thuruahnak sungah a tel thu, thi hlu cio dingah tha a rak pek. Hi pawlkom cu Khristian zaangfah lainatnak pawlkom a si. Italy ah thi hlu duh tu pawl, taksa then a hlu duh tu pawl pehtlaihnak an tuah sak. Pope khal a hlu ve a bang. Pope ih thuruahnak ah Pope in Khristian pawl cu midang pawl hnenah zalen zet in rian dingah a si thu a rak sim. Hi pulhnat sia ruangah thi hlu tu an mal deuhdeuh. Tu ah cun Pope in thi hlutnak a tuah ih milai nunnak run dingah tha pe in a rak forhfial.

         Hi thuthang cu Rome Reports thuthang ih kan ngah mi a si.

https://bit.ly/3Gp9WN2