India ram ih Archbishop ah tuanvo pek mi Bishop pahnih Pallium pek dingah Pope aiawh tu in tuanvo ap. October 26, 2021

India ram ih Archbishop ah tuanvo pek mi Bishop pahnih Pallium pek dingah Pope aiawh tu in tuanvo ap.

October 26, 2021

         India le Naple Pope aiawhtu Archbishop Girelli in Bishop thar ih tuanvo a pek mi Patna ih Archbishop Sebastian Kallupura cu October 23 ah St.Joseph Cathedral ah Archbishop pawl ih hruk mi (Pallium) kha caanserh thawn a rak pek. Hi Pallium cu tuuhmul thawn tah mi a si. Nu Pawlpi ih daan vekin Pope in hi Pallium cu Archbishop ih tuanvo pek mi Bishop pawl hnenah kum tin ten St. Peter le St. Paul pawl ih puaini ah St. Peter Biakinn pi ah caanserh thawn a rak orh ter theu.

         Pope aiawh tu-ih tuanvo pek mi Archbishop Leopoldo Girelli in Archdiocese mi harsa pawl hrangih a rak din nak cu kum tampi a si zo. Hi Pallium apnak caanserh ah Kohhran sungih mi harsa pawl hrang tumtah in Puithiam 84 in an mai bawm nak a hlu sumpai pawl Diocese ih an rak ap mi hi di a riam zet thu khal telh in a rak sim.

         October 24, zarhpi ni ah Pope aiawh tu in Patna Diocese, “Queen of Apostles” Parish ah Mission Sunday ni Missa sumnak a rak tuah. Cui Parish cu Diocese sungah a tum bik. Missa sumnak sungih thuthangtha a sim mi ah “Catholic mipi dinhmun in kan tuanvo cu Pathian ih duhdawtnak hlawm dingah a si. Kan kiang ih a um tu pawl kan duhdawt thu hmuh a tul thu” a rak sim.

         Patna Archdiocese ah Catholic mipi 60000 an um ih Khristian zatek cu ram then mipum ih 0.2 zatek lawng a um. October thla thok lam ni 15 ah Pope aiawh tu in Archbishop thar ih tuanvo a ap mi Shillong ih Bishop Victor Lyagdoh cu “Khristian pawl bawm tu Siangpahrang Bawinu” Cathedral a Archbishop Pallium a rak pek. Hi Diocese cu India ram saklam ah a um. Cui caanserh ah Pope aiawh tu in “tuvekin hmaisabik nak a thlen ruanga a lungawi thu, Diocese cu that ho zet mi Diocese pakhat asi thu, hi vek dinhmun cu Pope Francis ih a tumtahmi  Signod nunram vek a si thu a rak sim.

         Archbishop thar hnen Pallium ap nak caanserh ah “Nang cu Bawi Jesuh aiawh na si. Amah cu Prophet a si. Puithiam khal a si. Siangpahrang tla a si. Nang cu ziangvek dinhmun khalah thuthangtha cu thinniam le hnget khoh zet in na sim ding” timi siseh, caanserh ih a tel tu pawl Puithiam pawl khal rian nak nunram cu kan thinlung sungih a um ringring tul. Puithiam kan can nak cu mi rian dingah a si thu, anmah uk dingah asilol. Bawi Jesuh keneh thlun a tul. Minung pawl tangdor nak thawn lamhruai a tul. Hman mi tong thawn khal sinak niam le sang, miphun thleidang hlah uh” tiin khal a rak sim. Himi thuthang cu RVA thuthang ihsin kan don mi a si.

https://bit.ly/3jNscGg