Tuikum Vatican ih ret dingmi Naute Jesuh inn cu Peruvian Andes ihsin a si October 28, 2021

Tuikum Vatican ih ret dingmi Naute Jesuh inn cu Peruvian Andes ihsin a si

October 28, 2021

              Tuikum Vatican tual ih ret dingmi naute Jesuh inn cu Peruvian Andes ram ihsin a si thu cu Pope Francis tubaite St.Peter tual ih a thleng zo tu Peru ram ih khawmzawh pawl hnen a theih ter. Cui naute Jesuh inn ah mi menmen pa khat ih tum le tetzat asimi zuk 30 a tel ding. A hlan kum tiang naute Jesuh inn pawl le Khristmas thingkung pawl cu Europe lawngin ahleice in hlut ih timtuah asi theu. Tuikum Vatican tual rawn (St.Peter tual) ih ret dingmi naute Jesuh inn cu America continent ihsin kuat mi ahmaisabik naute Jesuh inn a si. A tuvekih pek asinak cu Peru ram zalennak an ngah nak kum 200 kim kum thawn khal a kaih. Khristmas thingkung cu Italy ram saklam Trentino ihsin an hlu ding. Khristmas thingkung cu pi 98 a sang ding. Naute Jesuh inn le Khristmas thingkung cu December 10 ni ah on asi dingih, hmaikum January 9 tiang ret ding a si. Himi thuthang cu Rome Reports thuthang ihsin kan don mi a si.

Photo courtesy of Rome Reports/ Google images 

https://bit.ly/3mUjuI6