That dingih tuahmawhnakin a luat tu Iraq Prime Minister hrangah Pope Francis thlacam sak (November 9, 2021)

That dingih tuahmawhnakin a luat tu Iraq Prime Minister hrangah Pope Francis thlacam sak

November 9, 2021

              Iraq Prime Minister cu hriamhrei kim zet ih ret mi drone pathum thawn tuahmawh dingin an zuam nan a luat. Hi thuthang a theih veten Pope Francis in November 9 ni ah ca a kuat ih thla a cam sak thu, a kiangnai teah a um pi thu a sim. Cutivekin hi thil tuah nak cu mi sual ral thil tuah nak asi tiin khal a sim.

           A sangbik mi Pathian ih thluasuah ruangah Iraq mipi remdaih nak thu relkhawm nak, ulenau thinlung thawn din thei dingah fim nak le thazang pawl um hram seh tiin thu khal a sim bet. Tuahmawh dingin an zuamnak cu November 7 ni ah asiih, Prime Minister cu tuah mawhnak a tuar lo nan amah kilkhawi tu ralkap 6 cu hriamhma an ngah. Himi tuah nak cu Iraq ram ah October 10 ih tuah mi Parliament hril awknak ih ngah mi ah ralkap pom nak pawlkom ruangah Iraq ah thubuai a um.

           Pope Francis cu Iraq Prime Minister thawn kan dung July thla ah an tong aw ih Iraq ram ih ram khel, nunphung, remdiahnak, thangsonak thawn pehpar in an rel tlang. Himi thuthang cu CNA thuthang ihsin kan don mi a si.

https://bit.ly/3CjhBce