1900 kum a lai lak hrawngah Spain mivai pawlih mit a la zet mi zuk cu Pope in cohlang. (November 10, 2021)

1900 kum a lai lak hrawngah Spain mivai pawlih mit a la zet mi zuk cu Pope in cohlang.
(November 10, 2021)
    Patricia Farrol cu 1957 lai ih cameraman Manuel Farrol ih fanu a siih a pa ih rak zuk mi mitla zet mi zuk cu Pope hnenah a rak pek. ‘Pa Pa, 1957 ah ka pa ih a rak zuk mi lo pe dingin ka ra. Hi mi cu Galicia ihsin Buenos Aires ih rak vai tu pawl ih zuk a si ih mai inn le Lo tan in mivai pawl ih hminsinnak a si’ tiin Patricia in Pope Francis hnen laksawng pep hah in a rak sim. Hi zuk cu a pa in Coruna Spain tangphawlong colhnakih a rak zuk mi a si ih mai ram tansan in Latin America ih a feh tu pawl ai a awh thu khal a rak sim. 
    Pa le a fapa tiih hmin pek mi cui zuk cu Argentina ih a feh ding mi lawngah tel lo in a tangta tu a tap phah rero mi Pa fa dinhmun in zuk sungah hmuh a theih. Asinan, neta lam ah Argentina ah si lo in an pafa te khal Galicia tansan in Europe ih kuat a tuar mi pawl an rak si tiah an sim.“Ka pa in mang ter ringring tu ni pakhat a si. Tui ni ah ka mang hleice. Ngai tlak zet mi khal a si. Hi hi a mah ka sunloih nak a si” tiin khal  Patricia in a rak sim.     
    Inn le lo tansan in a vai tu pawl ih zuk pawl cu Patricia ih Pa Manuel Farrol in a nunkhua sak lai ah Albulm pakhat thawn tha ten a rak finkhawi thu, Pope ton ngah nak le a Pa ih rothil cohlannak cu sim rel theih lo mi lungawinak le a Pa sunloihnak a si thu khal Patricia in a rak sim. Hi thuthang cu Rome Reports thuthang ih kan ngah mi a si.                                                                                                                                                                                                                                                                                          

Photo courtesy of Rome Reports/google images 

https://bit.ly/3F31wcE