Harsatnak caan pawl theh hnu ah duhaw tu pawl hrangah pehtlaih awknak ngah sal dingah ruahnak pek mi pawl a tul tiah sim November 4, 2021

Harsatnak caan pawl theh hnu ah duhaw tu pawl hrangah pehtlaih awknak ngah sal dingah ruahnak pek mi pawl a tul tiah sim

November 4, 2021

         Pulhnat in hrekkhat innsungsang pawl le duhawtu pawl karlak ah pehtlaihawknak lam ih buainak pawl a luar ter. Curuangah ruahnak peknak pawl a tul tiin thinlung ruahnak lam ih mifim Patricia Flor in a sim. A mah in pehtlaihawknak ziang tin din sal ding ti ruat dingah hi nemhnget mi pawl ziangtin demdeuh ter in caan hmang dingah ruahnak a pek. Thinlung ruahnak lam mifim Patricia Flor in ‘tuah ding mi thupi bik mi cu tikcu caan tha pawl hmang tlangin duhdawtnak lang ter mi ziaza thlun salnak a si ding tiah ka ruat.

         Nupa pahnih pakhat le pakhat upat awknak ruat sal ding; neta veikhat tumtah mi pawl re in komawk sal nak hrangah hmailam caan tumtah mi pawl ret thok dingah a tul. Pulhnat in puitling pawl le kumhra vuakvel pawl lakah thinharnak, ruahharnak le beidongnak cannak pawl a tam ter tiah Patricia Flor in a sim. A sim bet mi cu ‘hi buainak pawl kham thei nak ding hrangah a tlaitluang mi zaraan pawl le rikhiah pawl um ding a thupi tiah ka ruat. Khatlam ihsin a sile inn le innsang sungah mai tuanvo theih thiam a tul. Cui hlei ah rikhiah pawl a umih cui rikhiah pawl theh hnu cun thathnemnak a um kha theih a si ding. Hi mi cu innsang le duhawtu pawl hrangah thathnemnak a um.

         MOMA Family Care Center ih mi thiam pawl in pehtlaihawknak din tlangnak ih a har bik nak pawl ziangtin fel fai ter ding ti an sim fiang. Maria Hernandez in mi pakhat ih tuarnak lungkim lo phah ih pehtlaih lo dingah a thupit thu a rak sim. Cu mi thawn tlaitluang ten sim aw. An tuah mi pawl in ziangtin a lo tuar ter; an hnenah sim aw. Asinan, a tawi zawngih thu laknak le nautatnak vek cun si hlah seh. Ziang tikah ziang tin lang ter ding ti theih nak cu thiamnak pakhat a si.  Pope hman in cu mi tuah dingah ruahnak a pek. Tahthimnak ah Pope Francis in dai ten um in nuam ten dungsiip hnak in tongnak thawn ih sim a tha sawn tiah a sim. Cu mi cu ‘ral daihnak’ tiah an ko tiin a rak sim.

         ‘Pakaan dau pawl zam rero ko hai seh! Asinan, sun ni a cem hlan a thaisun ral dai ih doawk nak in tih a nung ruangah remdaihnak ngah dingin tuah aw’ tiin khal Pope in a rak sim. Pehtlaih ih simnak cu mi pakhat ih mai tuarnak theih thiam a tul thu Maria Hernandez in a sim fiang. Zir dingah a har mi thiamnak pakhat a si nan cu mi cu mi pakhat ih thinlung um tu daan uk thei dingih a bawm ruangah Pathian thu ruat dingah ruahnak a pek.

         Hi thuthang cu Rome Reports thuthang ih kan don mi a si.

https://bit.ly/3oxu9YL