India Jesuit Puithiam pawl in hnatuantu mi thawng za leng lo pawl Online ihsin acozah zung pawl ih hnatuan hawl sak dingah facebook page pakhat thawn pehtlaihnak tuah sak. (November 11, 2021)

India Jesuit Puithiam pawl in hnatuantu mi thawng za leng lo pawl Online ihsin acozah zung pawl ih hnatuan hawl sak dingah facebook page pakhat thawn pehtlaihnak tuah sak.

(November 11, 2021)

         Jesuit Puithiam pawl in India ram, Delhi le Kerala ramthen pawl ih a vai tu mi thawngza lenglo mi pawl Online in acozah zung pawl ah hnatuan hawl sak dingin facebook page pakhat an pehtlaih sak. Hmuhkaunak tumpi thawn tu vekih an tuah sak ruangah India ram ih Jesuit Puithiam pawl hnenah an lungawi zet. Hi hnatuan cu October 26 ni ah a rak vaitu hnatuan tu pawl bawmnak le Social media pawl thawn pehpar in a bawm tu (the Migrant Assistance and Information Network (Main)) pawlkom in an rak thok mi a si. Hnatuantu pawl khal in an paih zet. Kerala ramthen ih Kalady khuapi pakhat lawngin hmaisabik ni ah zuk tar mi mipum 120 an rak um tiah an sim. Mipum 1800 luan in Zarhkhat rei tindaan an rak kai.

         Hi vek ih cazin peknak thawn an mai hrangah hnatuannak caantha tampi a ngah thei. Hi ti tuahnak cu kum a rei tuk hrih lo nan Jesuit Puithiam pawl riantuannak hi ramthen pawl ah a lang ter ding. A paih tu hnatuan nei tu pawl in hnatuantu thawn pehpar in pehtlaih ih suhawknak cu hi pawlkom ih pawlkom sungtel pawl in simfiangnak an nei ding. Hi cangvaihnak ruangah hnatuantu pawl cu an hloptlo zet ih pawlkom bawmtu pawl in hntuantu pawl ih tul mi pawl man lo in an silhkhah sak ding. Hnatuannak peknak hmun pawl ah tu vekih nemhnget dingah nemhnget man cu India paisa 250 pek a tul. Hi pawlkom in hmaisabik ni ah hnatuan dil dingah thil nepnawi um lole famkim lo mi 100 pawl an rak tuah sak thei.

         Hi pawlkom dinhmun in tuhnakin hmuhkauhnak tindaan pawl bet vivo ding tla an nei lai. Ziangah tile December thlacem lamah hi vek hnatuan peknak hmun pawl cu tu hnakih tam ter thei dingin an tumtah. Hi pawlkom (Main) a suahnak cu ramthen sung le ramleng lamah a vai tu hnatuantu pawl ih harsatnak le covo pawl hrang bawm dingah a si. India ram tluanih um Jesuit Puithiam pawl riantuannak ramthen 14 ah hman a theih. Mivai tu hnatuan tu pawl dinhmun in harsatnak ton a si le hi Social Institute ih a laifannak Delhi zungah phone ko in bawmnak dil a theih tiah an sim.

Hi thuthang cu RVA thuthang ih kan ngah mi a si.

https://bit.ly/3x1oCgX