Zawi ziangsiar nawnlo mi Kawlram ih buainak thu Catholic Sister pakhat in rel November 16, 202)

Zawi ziangsiar nawnlo mi Kawlram ih buainak thu Catholic Sister pakhat in rel

November 16, 2021

              Catholic Sister pakhat in a tui a cang rero mi Kawlram ih ramkhel lam buainak thawn pehpar in hngilh an tuar thu November 10 niah a sim. Cui Sister cu Sr.Beatrice Maw asiih, amah cu Reperation Sister pawlkom sung in a si. Sister cu aralaiding mi 2022, Pathian riantuannak on puai caanserh ih a sim nak a si. Leitlun thuthang media pawl lakah ralkap ih thuneihnak laknak thuhla thawn thalo zet in mipi pawl ih nunnak, thilri pawl an siatsuah nak thu pawl sim rel nak a um nawn lo thu, vanthat nak ah "Avvenie" thuthang ca, PIME Puithiam pawl in hoha ih an suah mi Mondo e Missione thuthang le Asia News thuthang ca pawl ah tuletu an lang ter thu,

              Leitlun thuthang pawl ih daiten an umnak cu Kawlram ih buainak pawl zaten theh in a dai zo ti duh san a si lo thu, a dai lo, a hnget hrih lo thu, thuneih nak an long thoknak February 1 ihsin thokin tuini tiang Kawlram ih dinhmun cu nikhat hnu nikhat a tha lo deuh deuh ih mi siatsuah tu ralkap thunei tu pawl ih thil tha lo tuah nak, covid ih namnuainak a cem hrih lo thu a rak sim ih hiti ih a simnak khal thinlung sung ah thi hnai suak in sim nak a si thu a sim.

              Hmun le ram pawl ah doawknak a um ruangah cui hmun ih a um tu mipi pawl an inn le lo thilri pawl tan in hramlak ah ral tlan dinhmun in an um. Ram sung ralbuai nak cu mi hmuhsuam tu ralkap pawl an si. Raltlan pawl khal an thang. Dik lo in thuneih nak long tu ralkap cu khua pawl, minung inn pawl, biak nak lam thil ri pawl an siat suah. Thil siatsuah ih thil pawl an lak. Hriamhrei pi pawl kap nak ruangah Catholic Biakinn 6, Baptish Biakinn 2 le khua te Biakinn 2 an siat suah. Bible tlawng ih tlawnguk tu khal thuhla umloin an kai. Cui Puithiam cu thuneih nak a la tu ralkap pawl a duhlo thu mipi pawl thawn hmunkhat ah um in duh phorh nak a neih ruangah an thinheng ih an kaih nak a si.

              A hman ahcun Puithiam cu covid ruangah cazirnak tlawng khal phuan a theih loih a tul vekin cazir nak tlawng cu covid mina pawl kilkhawinak hmun le nauvon nu pawl nauneih nak siikhan tiin hman a si. Ziangruangahtile harhdamnak hnatuan a tam sawn khal "CDM" an tuah ruangah harhdamnak hnatuantu an daih aw lo. Thuhla um loin thuhla hawl in mipa, nunau, mino, upa pawl an kai. Nunau pakhat cu a fanu ramdang ah hna a tuan ruangah kaih a tuar. A ngah mi sumpai thawn mipi pawl a kilhim tu ralkap pawl a bom tiin mawh puh a tuar.

              Siangbawi cang tu ding tlawngta ih tah aw cu ka thinlung in nat nak a tuar. A cang rero mi dinhmun a phunphun ruangah amah khukhri pawl cu meithal kai in thunei tu pawl do kir sal lo a dang hril ding a um nawn lo. Curuangah amah cu Siangbawi can a duh nak tumtah nak khal a siat zo. Ram dang pawl khal an do nak hlawhtling dingin bom dingah bomnak a dil tiin Sister in a sim.

              Amah thawn nunram bang Reperation Sister pawlkom cu Kawlram ih Diocese 16 sungah 13 ah rian an tuan thu, tlawng 62 a um thu, a tamsawn in cui tlawng pawl cu a hla ih harsat nak hmun pawl ah an um thu, a tui dinhmun ruangah Sister tlawng 12 an phit thu, ralbuai caan ah covid nat a nei mi Sister pawl khal an um ih, thenkhat cu leilungpi a suahsan tu pawl khal an um thu, raltlan nak ah upa, nauta Sister pawl khal an tlan ruangah thin a nat zet thu, a tuvekih a kha le na zet mi dinhmun ton asinan Pathian hnen lungawi thusim a si thu, ziangruangahtile Pathian cu harsat nak karlak ihsin kan lung in rual ter. Kan na nan sunloih awk a si thu, ziangruangahtile Sister pawl cu Jesuh dungthluntu tlingzet in an nunnak khal pe in hmailam ah mipi pawl hrang ding in an kilhim.

              Reperation Sister pawlkom pakhat cu innsang nei zo a nau taktak harsat nak ih an tlan nak ihsin inn a tlunlam ah lamzin ah meithal ih kap a tuar. Inn ih a tlun nak cu hramlak ihsin a siih thilri la sal dingah a si. A fa le pawl in an pa a kirsal lo ti an theih in cui thilcang sia an thei. Tih zet in an hawl ih taksa then then in a rak thi. Hi thilcang ton asinan Sister cu raltha zet in covid mina pawl kilkhawi nak inn ah phur zet in hnatuan in a um thu a sim. Hi mi thuthang cu RVA thuthang ihsin kan don mi a si.

https://bit.ly/3kNed3p