RVA hnatuan pakhat thiam hleice hnatuannakah laksawng ngah. (Nov 6, 2021)

RVA hnatuan pakhat thiam hleice hnatuannakah laksawng ngah. (Nov 6, 2021)

              Philippines cozah in covid pulhnat sia caanah mai hrang thatnak ruat loin pe aw ih hnatuannak hrangah RVA (Radio Veritas Asia- Asia ih Pathian thu thannak zung, Philippines) ih hnatuan pakhat asi mi Diokno P. Espinosa hnen laksawng tacik cu November 3 ah an pek. Cui suh (Laksawng) cu "Ulirang ka - Distrito Awardee" tiin kawh a si. Cui suh (laksawng) ah pumpek nak theih pitnak hminsin mi le Quezon hmun cozah ih "ram mi tha asi thu theih pit nak" leihmat a tel mi ca a tel.

              Quezon ramthen ah hmun le ram thansonak hrangah then 14 then asiih, cui hmun pakhat ciar ah a thiam hleice mi ram mi pawl kha a tuvekin laksawng peknak program khal an telh. Atuvekin theih pit nak cu ziangvek hlawknak hman ruahsan loin thinlung muril duhnak thawn covid caan ah bom tul mi pawl a bawm tu pawl an si ruangah a si.

              Laksawng peknak caanserh ah hmun le ram ih cozah ih tuanvo nei tu Vargas in "Espinosa ih hnatuan nak cu zohthim tlak zet asih, midang khal a thang phok.Minung a tlingtlak zettu a si. Theih pit nak ngah dingah, suh (laksawng) ngah dingah a tuah nak a si lo. Asinan harsat a tuar tu mipi pawl a duh ih bom ding lawng a si" tiin a sim.

              Cutivekin RVA ih Manager asimi Fr.Victor Fr.Sadayc, CMF khalin "himi thilcang cu man tlak mi thil tha pawlkom pakhat ihsin sungtel pakhat ih thuhla asi thu, ziang ruangahtile mi tinkim harsat tuar caanah amah rori khal a har nan bom a tul mi pawl a bomnak asi thu, himi sawmnak a sang caan ah amah cu a tikcu caan thawn hnatuan kha siang zet in a pe tu asimi miraltha asiih, mi kiangkap khalah mai kiang ih a um mi pawl bom dingah amai hrang thil a ruah lo nak a hnatuan nak thawn a lang ter nak a si tiin a sim.

              RVA Myanmar ih tuanvo nei tu Fr.Peter Kyi Maung khalin "Diokno cu hnatuan tu pawl lakah tangdor tu, a tlaitlung tu asiih hnatuan khal zuam tu, mithmai pan ringring tu, bom dingah a man ringring tu asi" tiin a lawm.

              Suh (Laksawng) a ngah tu Diokno dinhmun in a tuvekin laksawng an pek ruangah a lungawi zet thu, asinan hivek laksawng a nun ramah a ruahsan lo thu, rammi pakhat dinhmun in mah kiang ih a um tu pawl hrang pekawk nak a theih pit tu cozah hnen khal a lung awi thu, a kiang kap ah amah lawng himi laksawng a ngah thu, amah cu RVA zung ah 1998 ihsin hna tuan tu asi tiin an sim.

https://bit.ly/30EOLpJ