Mandalay Catholic Archdiocese sungah Christmas puai ni pawl ah nuamnak le ceimawinak pawl tuah lo dingah thu suah November 26, 2021

Mandalay Catholic Archdiocese sungah Christmas puai ni pawl ah nuamnak le ceimawinak pawl tuah lo dingah thu suah

November 26, 2021

         Mandalay Catholic Archdiocese sungih um kohhran mipi pawl dinhmun in Christmas caan sungah nuamnak pawl tuah lo dingah thucahnak ca pakhat cu November 26 ah Bishop Marku Tin Win in a rak suah.

         Cui suah mi ca ah Christmas puai le kum thar Missa sumnak cu Pawlpi ih lamhmuh mi Covid daan thlun ding pawl thawn kaih in tuah dingah a sim ih tuah lo ding mi pawl cu Christimas Carol hlasaknak, Christmas hla pawl sound box pawl thawn ngainak, mipi thawn tuah mi nuamnak, rualpi pawl rawlei tlangnak, rawl dar nak puai tuahnak, Biakinn pawl, Puithiam tlawng pawl, Sr. tlawng pawl cu kumdang vekin meisa pawl, ceimawinak pawl thawn timtuah ih raithawinak, Bawipai Thi le Sa thawn pehpar in mai innsungsang pawl ih ziangvek zuk pawl khal social media pawl ih tarlang nak pawl tuah lo dingah Mandalay Archdiocese hruaikaitu Bishop Marku Tin Win in thu a rak suah.

         Bishop in nuamnak pawl ai ah ‘sual thlahnak, Missa sannak, Biakthawinak, Thlacamnak, Bible siarnak, thuthangtha ngainak, Pathian thuruahnak, Rosary camnak, harsatnak a tuar tu pawl bawmnak, a hlu peknak ti vek pawl tuah in mipi pawl thawn um tlang uh’ tiah a rak sim.

         Hi thuthang cu RVA Myanmar ih kan ngah mi a si.