Minute panga (5) thlacamnak mobile app in American dollar taan 50 ngah (November 27, 2021)

Minute panga (5) thlacamnak mobile app in American dollar taan 50 ngah

(November 27, 2021)

         Nitin hnatuan buai pawl pahsuak dingah le cawlh dingah a cang thiam theu lo. 2018 ihsin thok in ‘Hallow’ tiih hmin pek mi caanserh cu hnatuan buai mi pawl an tam tuk lo. Nikhat ah minute 5 in minute 30 hrawng thlacamnak le thuruahnak caanserh ih tel dingah a rak sawm thei.Hi ti daan ah phone hman ding a si ih thlacam men lawng a si lo. A dang ruah ding mi pawl, thinlung lam cawlhhah damnak cu Cathianghlim sungah a bun aw. Hi pawlkom cu Alex Jones in a rak thok. Caanserh cu Thinglamtah a hmat tuahnak in thok a tul. Hi caanserh a thok tu in ‘kei mai dinhmun in thenkhat lawng lak ka duh’ tiah a sim. ‘Tikcu caan pakhat tiang ruat uh. Ear-phone hmang uh. Nan mit siing uh. Caanserh ih ti daan vekin thlun aw. Ruat aw. Hi tidaan vek zir aw. Ka ruah mi vekih na tuah tin ten thlarau lam thawn pehpar mi pawl, Christian nunram thawn pehpar mi pawl lawngah thinlung ruahnak pawl a feh ter’ tiah a sim.

         A mai ruahnak pawl a tarlangnak cu Christian mino tamsawn in an zumnak thawn pehpar mi pawl an rak hawl. Asinan, santiluan ih zir in a ol zawngih hman thei mi pawl hawl hmuh a rak har tuk. Curuangah mino pawl ih hawl mi thuhla tuah dingah a rak botcat. A thok lam ah cun mino pawl a rak hiip thei lo. Ziangah tile a mai tuah mi ti daan keel thawn a danglam lo. Curuangah, Nu Pawlpi ih a hmuh duh mi mawinak pawl a rak pek thei lo. Cu tiin thlacam daan a phunphun a rak tarlang. Nitin ten thlacamnak, pawlkom ih cam tul mi thlacamnak pawl, dinhmun, thuhla ih zir in cam tul mi thlacamnak pawl a rak tarlang.

         Cu tikah taan 1.5 tluk in cui thlacamnak caanserh cu an mai phone sungah an download. Hi caanserh a thok ihsin thlacamnak zaten taan 25 a rak tarlang sak thei. Hi caanserh in 2021 lawng hman ah American dollar 50 rori sumpai a rak ngah. Curuangah a dang tong pawl hman thei nak caan remcang pawl a rak ngah. Hi caanserh a rak thok tu in ‘Tuuruun pawl in an mai zumnak ih pek mi thlarau lam rawl, remdaihnak, hnemnak an haal’ tiah a sim.

         Hi vek ih tuah thei dingah an mah vekin zinglam ah minute (4, 5, 10) hrawng a si lo le nikhat sungih caancemnakah Rosary veihra siseh, a si lo le sun thlacamnak siseh a remcang mi caanserh pakhat khat tuah lo theih lo in tuah uh’ tiah ruahnak a pek. Hi tivek ih thok nak cu thlacamnak tha ngah dingih thok nak a si. Curuangah nikhat sungih minute 5 hrawng siseh, ziang tluk in hnatuan buai hman sehla thlacam tengteng aw’ tiah a sim.

         Hi thuthang cu Rome Reports thuthang ih kan ngah mi a si.

Photo courtesy of Stephanie Palmari / Google Images

https://bit.ly/3cWiRYJ